அந்த வண்டி என்ன விலை? இந்த நகை என்ன விலை? அய்யோ இப்ப எனக்கு எதையாவது வாங்கியே ஆகணுமே!
சென்னை: குடும்பத்தலைவிகளுக்கு மாதம் ரூ. 1000 வழங்கும் திட்டம் செயலுக்கு வந்ததைத் தொடர்ந்து, உரிமைத்தொகை பெற்றவர்களை வைத்து நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.
'நா நல்லா செய்றனோ இல்லையோ.. நீ நல்லா செய்ற மேன்' என்ற காமெடியைப் போல், குடும்பத்தலைவிகளுக்கான உரிமைத்தொகை பெற்ற பெண்கள் அமைதியாக இருந்தாலும், அவர்கள் இப்படித்தான் செய்வார்கள் என்பதுபோல், கற்பனைக்குதிரையைத் தட்டி விட்டு நகைச்சுவையான மீம்ஸ்களாக சமூகவலைதளங்களில் ஆண்கள் பகிர்ந்து வருகின்றனர்.
வழக்கமாக தீபாவளி போனஸ் வந்தால்தான் வீடுகளில் இப்படி, 'அந்தத் தெருவை விலைக்கு வாங்கலாமா? இந்த ஊரை விலைக்கு வாங்கலாமா?' என அலப்பறையைக் கூட்டுவார்கள். சமீபகாலமாக இந்த மீம்ஸ் டெம்ப்ளேட் மாதாமாதம் சம்பளம் கைக்கு வந்ததுமே அதிகளவில் பகிரப்பட்டு வந்தது.
இந்நிலையில் தற்போது குடும்பத்தலைவிகளுக்கான உரிமைத் தொகையையும் அதே டெம்ப்ளேட்டை வைத்து கலாய்த்துள்ளனர். பணம் கிடைத்தவர்களின் மனநிலையோடு, இன்னமும் பணம் பெறாதவர்களின் மனநிலையையும், ஆதங்கத்தையும் சைடுகேப்பில் நகைச்சுவையாக மீம்ஸ்களாக்கி இருக்கின்றனர்.
இதோ அப்படியாக சமூகவலைதளங்களில் நம் கண்ணில் பட்ட சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google