பிளேஆஃப்-ல சென்னை இல்லன்னா என்ன பாஸ்.. பைனலே நம்ம சென்னையிலதான் நடக்குது!

Updated: Friday, May 24, 2024, 17:37 [IST]

Subscribe to Oneindia Tamil

சென்னை: ஐபிஎல் 2024 சீசனில் பிளேஆஃப் சுற்றில் ஆர்சிபி தோற்றதை வைத்து, விதவிதமான மீம்ஸ்களைப் பகிர்ந்து இணையத்தை கலகலக்க வைத்து வருகின்றனர் நெட்டிசன்கள்.

கிரிக்கெட் போட்டி என்றாலே அதனைத் திருவிழாவாகக் கொண்டாடித் தீர்ப்பதுதான் நம் ரசிகர்களின் வழக்கம். அந்தவகையில் இந்தாண்டு ஐபிஎல் சீசனையும் ஆரம்பத்தில் இருந்தே மீம்ஸ் போட்டு கொண்டாடி வருகின்றனர். அதிலும் குறிப்பாக சிஎஸ்கே, ஆர்சிபி போன்ற முக்கிய அணிகளின் வெற்றி, தோல்வி எல்லாமே மீமர்களுக்கு கண்டெண்ட் தான்.

பிளேஆஃப் சுற்றுக்கு சிஎஸ்கேவை போக விடாமல், ஆர்சிபி வெற்றி பெற்றதால், ஏற்கனவே கோபத்தில் இருந்த சிஎஸ்கே ரசிகர்களுக்கு மேலும் கண்டெண்ட் கொடுப்பதுபோல், ராஜஸ்தான் ராயல்ஸிடம் தோல்வியைத் தழுவியது ஆர்சிபி. இதனால் அந்த அணியும் மேற்கொண்டு ஐபிஎல்-ல் விளையாட முடியாமல், வெளியேறும் நிலை ஏற்பட்டுள்ளது.

பிறகென்ன, தங்கள் ஸ்டைலில் ஆர்சிபியை மீம்ஸ் போட்டு மரண பங்கம் செய்து வருகின்றனர் சிஎஸ்கே ரசிகர்கள். போட்டி முடிந்து இரண்டு நாளான போதும், அவர்கள் தங்களது மீம்ஸ் வன்மத்தை நிறுத்துவதாக இல்லை. சமூகவலைதளப் பக்கங்களைத் திறந்தாலே, சிஎஸ்கே மற்றும் ஆர்சிபி பற்றிய மீம்ஸ்கள்தான் கண்ணில் படுகின்றன.

இதோ அப்படியாக நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...