'முதல் மேட்சை சாமிக்கு விட்ருவோம்' சோஷியல் மீடியாவை டேக் ஓவர் செய்த சிஎஸ்கே.. மிரட்டும் மீம்ஸ்
சென்னை: மும்பை அணிக்கு எதிரான போட்டியில் சிஎஸ்கே அணி 4 விக்கெட்டுகள் வித்தியாசத்தில் அபார வெற்றியை பெற்றுள்ளது. இந்த போட்டியில் நிகழ்ந்த சுவாரஸ்யமான சம்பவங்களை வைத்து ரசிகர்கள் சோஷியல் மீடியாவில் உருவாக்கிய தரமான மீம்ஸை இங்கு பார்க்கலாம்.
ஆடுகளம் படத்தில் தனுஷ், "நாங்க தயார் பண்ணா சேவ தரமா தான் இருக்கும்னு ஊருக்கே தெரியுமே" என்று ரத்தினசாமியிடம் கூறுவார். இதில் தனுஷை மும்பை இந்தியன்ஸ் ஸ்கவுட்டாகவும், சேவலை விக்னேஷ் புத்தூராக மாற்றி, "நாங்க தயார் பண்ணா அந்த பிளேயர் தரமாதான் இருப்பார்னு ஊருக்கே தெரியுமே" என்று சொல்வதாக உருவாக்கப்பட்டுள்ள மீம் மரண மாஸ் ரகம்.
பூஜை படத்தில், அண்ணாச்சியால் கோபமடையும் சூரி, "எனக்கு வெறி அடங்கலடா" என்று மீண்டும் மீண்டும் அடித்து கொண்டே இருப்பார். இதில் சிஎஸ்கே அணியில் இருந்து கழற்றிவிடப்பட்ட தீபக் சாஹரை சூரியாக மாற்றி, "எனக்கு வெறி அடங்கலடா" என்று பேட்டிங், பவுலிங் என்று வெளுத்து கட்டியதை வைத்து உருவாக்கிய மீம் வெறித்தனம்.
லப்பர் பந்து படத்தில் கெத்து தினேஷ் களமிறங்கி முதல் பந்தை டொக்கு வைக்கும், ஓரமாக அமர்ந்திருக்கும் ஜென்சன், "என் மாப்புள்ள, முதல் பந்தை சாமிக்கு விட்ருவான்" என்பார். நேற்றைய ஆட்டத்தில் டக் அவுட்டான ரோஹித் சர்மாவை தினேஷாகவும், ஜென்சனை மும்பை ரசிகராகவும் மாற்றி, "எங்க அண்ணே முதல் மேட்சை சாமிக்கு விட்ருவாரு" என்று உருவாக்கப்பட்ட மீம் ஆள விடுங்கடா சாமி மொமெண்ட்.
ஐயா படத்தில் வடிவேலுவின் தியேட்டருக்கு போலி மேனேஜராக வரும் மதன் பாபு மாலை போடும் போது, "எனக்கு இதெல்லாம் பிடிக்காது" என்று தடாலடியாக கூறுவார். இதில் வடிவேலுவை சூர்யகுமார் யாதவாகவும், தோனியை மதன் பாபுவாகவும் மாற்றி, "கிரீஸை விட்டு வெளியே போனால் எனக்கு பிடிக்காது" என்று சொல்வதாக உருவாக்கப்பட்டுள்ள மீம் கணிக்கவே முடியாத பைத்தியக்காரன்டா மொமண்ட்.
விக்ரம் வேதா படத்தில், போலீகாரராக வரும் ஒருவர், மணிகண்டனிடம், "இதுதான் வேதா" என்று மாஸாக ஒரு இண்ட்ரோவை கொடுப்பார். அதனை அப்படியே வேதாவாக ரோஹித் சர்மாவை மாற்றி, டக் அவுட்டானதை வைத்து, இதுதான் ஐபிஎல் ரோஹித் சர்மா என்று சொல்வதாக உருவாக்கப்பட்டுள்ள மீம் பல்தான்ஸ் பரம்பரை தாக்கப்பட்ட மொமண்ட்.
Click it and Unblock the Notifications
Sign in with Google