ஒன்னு அசைவம்.. இல்ல அசந்து தூங்குவோம்! சன்டேவா.. அப்ப இன்னும் ஏன் முழிச்சுட்டு இருக்க.. SUNDAY MEMES
சென்னை: ஞாயிற்றுக்கிழமை விடுமுறை நாளை முன்னிட்டு ஒவ்வொரு வாரமும் நெட்டிசன்கள் புதிது புதிதாக யோசித்து மீம்ஸ்களை வெளியிட்டு வருகிறார்கள். இந்த வகையில் தற்போது அவர்கள் வெளியிட்டு டிரெண்டாகி வரும் மீம்ஸ்களை பார்ப்போம்.
ஞாயிறு என்றாலே பலரும் ஓய்வெடுக்கும் நாளாகவே பார்த்து வருகிறார்கள். வாரம் முழுக்க ஓடி ஓடி உழைத்துவிட்டு ஞாயிறு விடுமுறையை உறக்கத்தில் கழிப்பவர்கள் ஏராளம். இதை மனதில் வைத்தே, "நீங்கள் இது ஞாயிறு காலை என்பதை அறிந்தால் இன்னும் அதிகமாக தூங்குவீர்கள்." என்று குறிப்பிட்டு மீம் வெளியிட்டுள்ளனர்.
இதே ஞாயிறு உறக்கத்தை மனதில் வைத்து மற்றொரு மீமும் டிரெண்டாகி வருகிறது. ஞாயிற்றுக்கிழமை நாம் செய்வது இரண்டே வேலை. ஒன்று உறங்குவது. மற்றொன்று சாப்பிடுவது என குறிப்பிட்டு மீம்ஸ் தயாரித்து இருக்கிறார்கள்.
ஞாயிற்றுக்கிழமையை உறங்கி கழிப்பவர்கள் ஒரு பக்கம் இருந்தால் மறுபக்கம் அசைவம்தான் வேண்டும் என்று அடம்பிடிப்பவர்கள் மறுபக்கம் உள்ளனர். சில கிழமைகளில் எப்படி அசைவம் சாப்பிடுவதை தவிர்ப்பார்களோ, அதேபோல் ஞாயிறு வந்துவிட்டால் அசைவம்தான் சாப்பிட வேண்டும் என அடம்பிடிப்பார்கள் இவர்கள்.
அதேபோல் ஞாயிறு அன்று கறிக்கடைகளில் கூட்டம் அலைமோதுவதாகவும், காய்கறிக் கடைகளில் கூட்டமே இல்லாதது போலவும் மீம்ஸ் தயாரித்து உள்ளார்கள்.
ஞாயிறு விடுமுறையை வாரம் முழுவதும் எதிர்பார்த்து காத்திருப்பவர்கள் கடுப்பாகும் விசயம் என்னவென்றால் அது மிக வேகமாக ஓடி விடுகிறது என்பதே. இதை வைத்து ஏராளமான மீம்களை வெளியிட்டு உள்ளார்கள்.
ஞாயிறு முடிந்த மறுநாளே திங்கள் வந்துவிடுவது கடுப்பாக உள்ளதால் இடையே சப் சண்டே வைக்குமாறு கேட்டுக்கொள்கிறேன் என வடிவேலு மீம்ஸை வெளியிட்டு உள்ளார்கள் நெட்டிசன்கள்.
என்னடா கறி எடுத்துட்டு முடி வெட்டிட்டு வர்றதுக்குள்ள கிளம்பிட்ட என வடிவேலு ஞாயிற்றுக்கிழமையை பார்த்து கேட்பதைபோன்ற ஒரு மீமும் வலம் வந்துகொண்டு இருக்கிறது.
ஒவ்வொரு வாரம் ஞாயிறு அன்றும் கமிட்டட் ஆண்கள், தங்கள் காதலியை எங்கு அழைத்து செல்வது என்று யோசிப்பார்களாம். ஆனால், சிங்கிள் பசங்க மட்டும் இன்றைய சாப்பாடு சைவமா அல்லது அசைவமா என யோசிப்பார்களாம்.
Click it and Unblock the Notifications
Sign in with Google