"எட்டு திக்கும் கொடி பறக்குது மம்பட்டியான்" ஜாலி மோடில் மும்பை பல்தான்ஸ்.. தெறிக்கும் மீம்ஸ்!
மும்பை: ஐபிஎல் தொடரில் டெல்லி அணியை 59 ரன்கள் வித்தியாசத்தில் வீழ்த்தி மும்பை அணி பிளே ஆஃப் சுற்றுக்கு முன்னேறி இருக்கிறது. இந்த போட்டியில் நடைபெற்ற சுவாரஸ்யங்களை வைத்து சோசியல் மீடியாவில் மும்பை அணியின் ரசிகர்கள் உருவாக்கியுள்ள அலப்பறையான மீம்ஸை பார்க்கலாம்.
வேதாளம் படத்தில் ரவுடி கூட்டத்திடம் மாட்டிக் கொள்ளும் அஜித்திடம், 'ஏய்.. நாங்கள் மொத்தம் 40 பேரு.. நீ ஒத்த ஆளு.. அடிக்கிறதுனா ஒரு பிளான் வேணும்" என்பார். அதற்கு அஜித், "தமாஸு.. தமாஸு.. அடிக்கிறது தான்டா பிளானே" என்று வெளுப்பார். அதில் வரும் ரவுடி கூட்டமாக குஜராத், ஆர்சிபி மற்றும் பஞ்சாப் அணியை மாற்றி, "நாங்க 3 பேரு.. நீ ஒத்த ஆளு.. அடிக்கிறதுனா ஒரு பிளான் வேணும்" என்று சொல்ல, அதற்கு அஜித்தாக மும்பை அணியை மாற்றி, "தமாஸு.. தமாஸு.. அடிக்கிறது தான்டா பிளானே" என்று சொல்வதாக உருவாக்கப்பட்டுள்ள மீம் பக்கா மாஸ்.
வடசென்னை படத்தில் ராஜனாக வரும் அமீர் ராதாரவியிடம், "முத்து அண்ணா.. சொல்லி வை.. மத்தவங்களை மாதிரி பேப்பர் ரவுடி இல்ல நான்" என்று மாஸாக மிரட்டுவார்.. அதில் வரும் ராஜனான அமீரை 43 பந்துகளில் 73 ரன்களை விளாசிய சூர்யகுமார் யாதவாக மாற்றி, "பேப்பர் ரவுடி இல்லடா நான்" என்று சொல்வதாக உருவாக்கப்பட்டுள்ள மீம் இனிமே இங்க நான்தான் ரங்கராய சக்திவேல் மொமண்ட்.
கைதி படத்தில் வில்லனான அர்ஜுன் தாஸ், "அந்த 6 போலீஸ்காரர்களை தலையை எடுப்பவர்களுக்கு லைஃப் டைம் செட்டில்மெண்ட்டுடா" என்று பணத்தை வாரி இரைப்பார். அதில் வரும் அர்ஜுன் தாஸாக மும்பை ரசிகர்களை மாற்றி, "சான்ட்னரை விட அண்டர்ரேட்டட் பிளேயரை காட்டுறவனுக்கு லைஃப்டைம் செட்டில்மெண்ட்டுடா" என்று சொல்வதாக உருவாக்கப்பட்டுள்ள மீம் வொர்த் வர்மா மொமண்ட்.
டூரிஸ்ட் ஃபேமிலி படத்தில் சசிக்குமார், அவரது இரு மகன்கள் இணைந்து, "தொட்டாலே தூள் பறக்கும் மம்பட்டியான்.. அட மம்பட்டியான்" பாடலுக்கு டான்ஸ் ஆடி உற்சாகமாக இருப்பார்கள். அதனை அப்படியே மாற்றி சசிக்குமார் மற்றும் இரு மகன்களை மும்பை ரசிகர்களாக மாற்றி, "போட்றா பாட்ட.. தொட்டாலே தூள் பறக்கும் அட மம்பட்டியான்.. அட மம்பட்டியான்" என்று ஜாலியாக டான்ஸ் ஆடுவதாக உருவாக்கப்பட்டுள்ள மீம் தக் லைஃப் மொமண்ட்.
களவாணி படத்தில் நாயகியிடம் இருந்து போன் வரும் போது, நாயகன் விமல் மாட்டுவண்டியை அப்படியே விட்டுவிட்டு போய்விடுவார்.. அப்போது வண்டியில் உள்ள இரு பெண்களும், "அடியேய்.. இவன் போன் எடுத்துட்டு போனா.. திரும்ப வர மாட்டானேடி" என்று சொல்வார்கள். அதில் வரும் பெண்களாக குஜராத் மற்றும் ஆர்சிபி அணியை மாற்றி, விமலாக மும்பை அணியையும் மாற்றி, "ஐயயோ.. இவன் பிளே ஆஃப் வந்துட்டா கப் அடிக்காம போக மாட்டானேடி" என்று சொல்வதாக உருவாக்கப்பட்டுள்ள மீம் ஜாலியோ ஜிம்கானா ரகம்.
Click it and Unblock the Notifications
Sign in with Google