வெயில்ல உருகி காணாம போற குச்சி ஐஸ் மாதிரி.. 1ம்தேதி வாங்குற சம்பளம் 5ம் தேதியே காணாமப் போயிடுதே!
சென்னை: மாதம் பிறந்து முதல் தேதியாகி விட்டாலே எல்லோருக்கும் சம்பளம், இ எம் ஐ, வீட்டுச் செலவுகள் என பணக் கவலைகள் அனைத்தும் கண் முன் வந்து விடுகிறது என மீம்ஸ் போட்டு புலம்பி வருகின்றனர் நெட்டிசன்கள்.
முன்பெல்லாம், 'ஓடியாடி உழைப்பதெல்லாம் இந்த ஒரு ஜான் வயிற்றுக்குத்தான்' என்பார்கள். ஆனால் இப்போதோ, அந்த ஒரு ஜான் வயிறோடு, இ எம் ஐ, ஸ்கூல் பீஸ், வீட்டுச் செலவு என பட்டியல் சேர்ந்து கொண்டே செல்கிறது. அந்தளவிற்கு வாழ்க்கைத்தரம் மக்கள் மத்தியில் மாறியிருக்கிறது.
மாதத் தொடக்கத்தில் சம்பளம் வாங்கினால், அதை வைத்து எப்படி அந்த மாதத்தை ஓட்டுவது என்றுதான் முன்பு யோசிப்பார்கள். இப்போதோ வாங்கும் சம்பளம் கடந்த மாதம் வாங்கிய கடனை அடைக்கவே சரியாக இருக்கிறது. அடுத்தநாளே அந்த மாதச் செலவுக்கு யாரிடம் கடன் வாங்கலாம் என யோசிக்க வேண்டியிருக்கிறது.
இது ஒருவர், இருவருடைய பிரச்சினையில்லை என்பது ஒவ்வொரு மாதமும் முதல் மற்றும் கடைசி வாரங்களில் நெட்டிசன்கள் பகிரும் மீம்ஸ்களைப் பார்த்தாலே தெரிகிறது. மார்ச் மாதம் பிறந்து விட்ட இந்த முதல் தேதியிலும், சம்பளம், இ எம் ஐ, வீட்டுச் செலவுகள் என தங்களது இந்த மாத பணக் கவலைகள் அனைத்தையும் மீம்ஸ் போட்டு புலம்பி வருகின்றனர் நெட்டிசன்கள்.
இதோ அப்படியாக சமூகவலைதளப் பக்கங்களில் நம் கண்ணில் பட்ட சம்பளம் மற்றும் வரவு-செலவுகள் பற்றிய நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google