வெங்காயம்.. உஷாரய்யா உஷாரு.. இந்த வீடியோல இருக்கற மாதிரி நடந்தாலும் ஆச்சர்யப்படுறதுக்கில்ல பாஸ்!
சென்னை: சின்ன வெங்காயம், பெரிய வெங்காயம் என்ற பேதமில்லாமல் எல்லா வெங்காயத்தின் விலையுமே எகிறித்தான் கிடக்கிறது.
வெங்காய விலை உயர்வை வைத்து மீம்ஸ்களும், ட்ரோல்களும் சமூகவலைதளத்தில் வைரலாகி வருகின்றன. அப்படி இருக்கையில் இப்போது உச்சத்தில் டிக் டாக்கை மட்டும் விட்டு விடுவார்களா?
அதிலும் வெங்காயம் தொடர்பான பல வீடியோக்கள் எடுக்கப்பட்டுள்ளன. சமூகவலைதளங்களில் அவை தான் இப்போது அதிகம் பரப்பப்பட்டு வருகின்றன. இதோ நம் கண்ணில் பட்ட நான்கு வீடியோக்கள்...
1. இந்த வீடியோவில் தங்கத்தை லாக்கரில் வைத்து பூட்டுவது போல, வெங்காயத்தை பூட்டி வைத்திருக்கிறார் இந்த பொறுப்பான கணவர். பாவம் மனைவி தயங்கித் தயங்கி வெங்காயம் கேட்கிறார். கணவரும் எண்ணி எண்ணி வெங்காயத்தைத் தருகிறார்.
2. பண்டிகை காலங்கள் வந்தாலே உங்கள் மனைவிக்கு அழகழகான ஆபரணங்களை பரிசாகக் கொடுங்கள் என்ற விளம்பரத்தை டிவியில் பார்த்திருப்போம். இது அதில் புது ரகம். இவர் காலத்துக்கு தகுந்த மாதிரி ஆபரணப் பெட்டியில் வைத்து வெங்காயம் பரிசாகத் தருகிறார்.
3. வெங்காயம் போடாவிட்டால் சாப்பாடு ருசிக்காது. இது நம் எல்லோருக்கும் தெரியும். அதனால் தான் வெங்காயத்தை சம்பிரதாயத்திற்கு பாத்திரத்தின் மேலே காட்டி விட்டு, மீண்டும் பத்திரப் படுத்தி விட்டார் இந்தப் பெண்மணி. சமத்து தான்.
4. இந்த வீடியோவிலும் வெங்காயத்தை பீரோவில் வைத்து தான் பூட்டி இருக்கிறார்கள். ஆனால் அத்தை, மருமகளா இல்லை அம்மா, மகளா எனத் தெரியவில்லை. இளம் பெண் கெஞ்சிக் கேட்டும் கறாராக திரும்ப வெங்காயத்தை தர மறுத்து விட்டார் அந்த பெரியம்மா.
Click it and Unblock the Notifications
Sign in with Google