வனக்காவலர்களை துப்பாக்கியால் சுட்ட கடத்தல்காரர்கள்

சீனாவில் சினிமா தியேட்டர்களில் தீ விபத்து: 74 பேர் சாவு

பீஜிங்( சீனா):

சீனாவில் ஹெனான் பகுதியில் இரண்டு சினிமா தியேட்டர்களில் இந்திய நேரப்படி வியாழக்கிழமை அதிகாலை 3.30 மணிக்கு ஏற்பட்ட திடீர் தீ விபத்தில் 74 பேர் இறந்தனர்.

ஜியாசியோ நகரில் டயான்டாங்க் தியேட்டரில் ஏற்பட்ட தீ, அருகில் இருந்த மற்றொரு தியேட்டருக்கும் பரவியது. தீ பரவியை அடுத்து தியேட்டர்களில் படம் பார்த்துக் கொண்டிருந்த மக்கள் உடனடியாக வெளியேற முயன்றனர். தியேட்டர்களின் கதவுகள் மூடப்பட்டிருந்ததால் அவர்களால் உடனடியாக வெளியேற முடியவில்லை. இதனால், நெரிசல் ஏற்பட்டது. மேலும், தீயால் ஏற்பட்ட புகைமண்டலத்தால் மக்கள் மயக்கமுற்று கீழே விழுந்தனர்.

இதற்கிடையே சம்பவ இடத்துக்கு 15-க்கும் மேற்பட்ட தீயணைப்பு வாகனங்கள் விரைந்து வந்து தீயை அணைக்கும் பணியில் ஈடுபட்டனர். பல மணி நேரம் போராடி தீணை அணைத்த அவர்களால் 12 பேரை மட்டுமே உயிரோடு மீட்க முடிந்தது. கருதிய நிலையில் 75 சடலங்களை அவர்கள் தியேட்டர்களில் இருந்து வெளியே கொண்டு வந்தனர்.

காலைக் காட்சி சினிமாவுக்கு மிகக் குறைந்த அளவிலேயே மக்கள் வந்தனர். இல்லையென்றால், உயிர்ச்சேதம் இன்னும் அதிகமாக இருந்திருக்கும் என்று தீயணைப்புத் துறையினர் தெரிவித்தனர்.