தமிழகத்தில் இன்று

காணாமல் போன அணு ஆயுத ரகசியங்கள்
அடங்கிய கம்ப்யூட்டர் டிரைவ்கள் கிடைத்தன

ஞிணிடூணிணூ="ஆடூச்ஞிடு">வாஷிங்டன்:

அமெரிக்காவின் லாஸ் அலமோஸ் நகரிலுள்ள அணு ஆயுத ஆய்வகத்தில் சில நாட்களுக்கு முன்பு காணாமல் போன அணு ஆயுத ரகசியங்கள் அடங்கிய இரண்டுகம்ப்யூட்டர் ஹார்ட் டிரைவ்கள் கண்டுபிடிக்கப்பட்டுள்ளன.

ஆய்வக வளாகத்திலேயே இந்த இரு டிரைவ்களும் இருந்தது. இருப்பினும் இவை எப்படி இங்கு வந்தன என்பது தெரியவில்லை.

சக்தித் துறை அமைச்சர் பில் ரிச்சர்ட்சன் இதுதொடர்பாக கூட்டிய அவசர செய்தியாளர்கள் கூட்டத்தில், காணாமல் போன இரு டிரைவ்களும் லாஸ் அலமாஸ்தேசிய ஆய்வகத்தின் எக்ஸ் பிரிவில் காணப்பட்டன. அமெரிக்க உளவுத் துறை இந்த இடத்தை குற்றப் பட்டியலில் வைத்துள்ளது.

இரு டிரைவ்களும் இந்த இடத்திற்கு எப்படி வந்தன என்று தெரியவில்லை. இரு டிரைவ்களிலும், அணு ஆயுத வடிவமைப்பு, அமெரிக்க, ரஷிய, சீன மற்றும்பிரெஞ்சு அணு ஆயுதங்கள் குறித்த தொழில்நுட்ப தகவல்கள் அடங்கியிருக்கின்றன. இந்தத் தகவல்களை சிலர் திருடியிருக்கலாம் என்று கருதப்படுகிறது.

இந்த சம்பவம் குறித்து விரிவான விசாரணை நடத்த முடிவு செய்யப்பட்டுள்ளது. இந்த விவகாரத்தில் தொடர்புடையவர்கள் மீது கடுமையான நடவடிக்கைஎடுக்கப்படும் என்றார்.

அணு ஆயுத ரகசியங்கள் அடங்கிய ஹார்ட் டிரைவ்கள் காணாமல் போனதையடுத்து 25 அமெரிக்க புலனாய்வுத் துறை (எப்.பி.ஐ.) அதிகாரிகள் விசாரணையில்இறங்கினர்.

டிரைவ்கள் கண்டுபிடிக்கப்பட்டது குறித்து அதிபர் பில் கிளிண்டனுக்குத் தகவல் தரப்பட்டுள்ளதாக தெரிவிக்கப்பட்டுள்ளது.