நீச்சல்: ஆண்கள் 50 மீ. நீச்சலில் இருவருக்குத் தங்கம்
சிட்னி:
நீச்சல் போட்டியில் ஆண்களுக்கான 50 மீட்டர் பிரீஸ்டைல் பிரிவில் இருவருக்கு தங்கப் பதக்கங்கள்வழங்கப்பட்டன.
ஒலிம்பிக் வரலாற்றில் இவ்வாறு ஒரே போட்டியில் இரு தங்கப் பதக்கங்கள்வழங்கப்படுவது இது இரண்டாவது முறை. ஏற்கெனவே 1984, லாஸ் ஏஞ்சலீஸ்ஒலிம்பிக்கில் பெண்களுக்கான 100 மீட்டர் பிரீஸ்டைல் பிரிவில் இவ்வாறு இரு தங்கப்பதக்கங்கள் வழங்கப்பட்டன என்பது குறிப்பிடத்தக்கது.
வெள்ளிக்கிழமை நடைபெற்ற 50 மீட்டர் நீச்சல் போட்டியின் இறுதிச் சுற்றில் அமெரிக்காவின் காரிஹால், அந்தோணி எர்வின் இருவரும் பந்தைய தூரத்தை 21.98 விநாடிகளில் நீந்தினர்.
இதையடுத்து இருவருக்கும் தங்கப் பதக்கம் வழங்கப்பட்டது. ஹாலந்து நாட்டின் பீட்டர் வான் டென்ஹூகன்பாண்ட் 22.03 விநாடிகளில் வந்து வெண்கலப் பதக்கம் வென்றார்.
இதன் மூலம் தொடர்ந்து 3-வது முறையாக 50 மீட்டர் நீச்சலில் தங்கம் வென்று சாதனைபடைக்கவேண்டும் என்ற ரஷ்யாவின் அலெக்சாண்டர் போபோவின் கனவை அமெரிக்க வீரர்கள்முறியடித்தனர்.
வெள்ளிக்கிழமை நடைபெற்ற இறுதிச் சுற்றில் அலெக்சாண்டர் போபோவ் 22.24 விநாடிகளில் வந்து6-வது இடத்தையே பெற்றார்.
1992, 94-ம் ஆண்டுகளில் நடந்த ஒலிம்பிக்கில் ஆண்களுக்கான 50 மீட்டர் மற்றும் 100 மீட்டர்நீச்சல் பிரிவுகளில் போபோவ் தங்கம் வென்றார் என்பது குறிப்பிடத்தக்கது.
ஆனால் இந்த சிட்னி ஒலிம்பிக்கில் 50 மீட்டரில் எந்த பதக்கத்தையும் வெல்லத் தவறி அவர் 100மீட்டரில் வெள்ளிப் பதக்கத்தையே பெற முடிந்தது.