உலக அளவில் இந்திய ஹோட்டலுக்கு 4-வது இடம்

சிட்னி:

உலகிலேயே மிகச் சிறந்த நகரமாக ஆஸ்திரேலியாவிலுள்ள சிட்னி நகரமும், உலகிலேயே மிகச்சிறந்த ஹோட்டல்கள் வரிசையில் 4 வது இடத்தில் ஜெய்ப்பூரில்உள்ள ஹோட்டலும் உள்ளதாக ஆஸ்திரேலிய சுற்றுலா இதழ் ஒன்றில் செய்தி வெளியாகியுள்ளது.

கோன்டே நாஸ்ட் டிராவலர் என்ற இதழில் சிட்னி நகரம் மிகச் சிறந்த நகரமாகவும், அதற்கடுத்ததாக பிளாரன்ஸ், ரோம், பாரிஸ் மற்றும் வெனிஸ்நகரங்கள் சிறந்த நகர வரிசையில் இடம் பெற்றுள்ளது.

இதுதவிர, ஜெய்ப்பூரில் ஒபேராய் குரூப் நிறுவனத்தார் நடத்தும் ராஜ் விலாஸ் ஹோட்டல் மிகச் சிறந்த ஹோட்டலாக உள்ளது. இந்த ஹோட்டலில் வந்துதங்குவதற்கு சுற்றுலாப் பயணிகள் அதிக விருப்பம் தெரிவிக்கின்றனர்.

சுற்றுலாப் பயணிகள் அதிகம் வருகை தர விரும்பும் நாடுகள் வரிசையில் இந்தியா 20 வது இடத்தில் உள்ளது. மேலும் சர்வதேச அளவில் சுற்றுலாப்பயணிகள் தெற்குப் பசிபிக் மற்றும் இந்தியா உள்பட தெற்காசிய நாடுகளுக்கு அதிக அளவில் வருகை தர விரும்புகின்றனர் என்றும் இந்த புத்தகத்தில்குறிப்பிடப்பட்டுள்ளது.

ஹிரித்திக் க்ரோஷன் நடித்த "கஹோ நா பியார் ஹை திரைப்பட படப்பிடிப்பு நியுசிலாந்தில் நடந்த பின் மாணவர்கள் அதிகம் விரும்பும் இடமாக நியுசிலாந்துமாறியுள்ளது.

இந்தியாவின் அண்டை நாடான பூட்டானும் சர்வதேச அளவில் சுற்றுலாப் பயணிகளை கவரும் விதத்தில் அமைந்துள்ளது. சிங்கப்பூர் மற்றும் கோலாலம்பூர்விமான நிலையங்கள் உலககிலேயே தரம் வாய்ந்த விமான நிலையங்களாக உள்ளன என்றும் அந்த இதழில் செய்தி பிரசுரிக்கப்பட்டுள்ளது.

ஐ.ஏ.என்.எஸ்.