மூப்பனாருக்கு முதல்வர் "கங்ராட்ஸ்

சென்னை:

தமிழ் மாநில காங்கிரஸ் கட்சியின் தலைவராக, ஒருமனதாக மூப்பனார் தேர்ந்தெடுக்கப்பட்டதற்கு முதல்வர் கருணாநிதி பாராட்டு தெரிவித்துள்ளார்.

மூப்பனாருக்கு, முதல்வர் கருணாநிதி அனுப்பியுள்ள வாழ்த்துத் தந்தியில், தமிழ் மாநில காங்கிரஸ் கட்சியின் தலைவராக மூப்பனார் மீண்டும் தேர்வு பெற்றதற்குஎனது மனப்பூர்வமான வாழ்த்துக்களையும், பாராட்டுக்களையும் தெரிவித்துக் கொள்கிறேன்.

மூப்பனார் தொடர்ந்து த.மா.கா. கட்சிக்கும், தமிழக மக்களுக்கும் சேவை செய்ய வேண்டும் என்று குறிப்பிட்டுள்ளார்.

முன்னதாக 1996 ம் ஆண்டு மூப்பனார் தமிழ் மாநில காங்கிரஸ் கட்சியைத் தொடங்கினார். அப்போது தி.மு.க.வுடன் சேர்ந்து தேர்தலில் போட்டியிட்டார்.அதற்குப்பின் பாரதிய ஜனதா கட்சியுடன் தி.மு.க கூட்டணி வைத்துக் கொண்டதற்கு எதிர்ப்பு தெரிவித்து தமிழ் மாநில காங்கிரஸ் தி.மு.க விலிருந்து பிரிந்தது என்பதுகுறிப்பிடத்தக்கது.

யு.என்.ஐ.