புலிகள் வசம் இருந்த பாலத்தை ராணுவம் பிடித்தது

கொழும்பு:

விடுதலைப் புலிகள் சண்டை நிறுத்தம் அறிவித்துள்ள நிலையில், புலிகளின் கட்டுப்பாட்டில் இருந்த முக்கியபாலத்தை இலங்கை ராணுவ வீரர்கள் கைப்பற்றியுள்ளனர்.

கிறிஸ்துமஸ் தினத்தையொட்டி ஒரு மாத காலத்திற்கு விடுதலைப் புலிகள் சண்டை நிறுத்தம் அறிவித்திருந்தனர்.ஆனால் இதை இலங்கை அரசும், ராணுவமும் நிராகரித்து விட்டன. இருப்பினும் கூறியபடி, விடுதலைப் புலிகள்சண்டை நிறுத்தத்தை அமல் செய்தனர்.

இந்த நிலையில், விடுதலைப் புலிகளின் கட்டுப்பாட்டில் உள்ள ஒரு முக்கிய பாலத்தை கைப்பற்றியுள்ளதாகராணுவம் அறிவித்துள்ளது. ராணுவ செய்தித்தொடர்பாளர் சனத் கருணாரத்னே கூறுகையில், நாவற்குழி பாலத்தைராணுவம் கைப்பற்றியுள்ளது. இதைப் பிடிக்க அதிக எதிர்ப்பை ராணுவம் சந்திக்கவில்லை. தொடர்ந்து அந்தப்பகுதியில் சண்டை நடந்து வருகிறது என்றார் அவர்.

யாழ்ப்பாணம் நகரிலிருந்து 3 கிலோ மீட்டர் தொலைவில் உள்ளது நாவற்குழி பாலம். யாழ்ப்பாணம் மற்றும்சாவகச்சேரி பகுதிகளை இணைக்கும் நெடுஞ்சாலையில் இந்த பாலம் மட்டுமே புலிகள் வசம் இருந்து வந்தது.தற்போது இதுவும் ராணுவம் வசம் வந்து விட்டது. இதன் மூலம் இந்த நெடுஞ்சாலை முழுவதும் ராணுவத்தின்கட்டுப்பாட்டில் உள்ளது.

நாவற்குழி சண்டையில் உயிர்ப்பலி ஏதும் இருந்ததா என்பது குறித்து ராணுவத்தின் தரப்பிலோ அல்லது புலிகளின்தரப்பிலோ எந்தத் தகவலும் இல்லை.

புலிகள் சண்டை நிறுத்தம் அறிவித்த அடுத்த நாளே நாவற்குழி பகுதியில் தீவிர தாக்குதலை இலங்கை ராணுவம்துவங்கி விட்டது. இருப்பினும் இந்தப் பாலத்தை எடுத்துக் கொள்ள அது மேற்கொண்ட முயற்சிகள்பலனளிக்காமல் இருந்தது. தற்போதுதான் சாத்தியமாகியுள்ளது.