• search

இலங்கை விழாவைக் கலக்கிய இந்திய யானை

Posted By:
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts

    கேள்வி - பதில்

    கே: திடீரென இந்திய - நேபாள நட்புறவில் பாதிப்பு ஏற்பட்டுள்ளது பற்றி...?

    ப : ஒன்றுமே இல்லாத விஷயம் பெரிதுபடுத்தப்பட்டிருக்கிறது. ஹிந்தி நடிகர்ஹ்ரிதிக் ரோஷன், நேபாளத்தைப்பற்றி தனது பேட்டி ஒன்றில், இழிவாகப் பேசினார்- என்பதில் ஆரம்பித்த தகராறு இது. அப்படி பேசவில்லை என்று அந்த நடிகர் விளக்கினார் ; இந்த ஆண்டில், தான் அளித்த பேட்டிகள் பற்றியவிவரங்களைக் கூறினார் ;

    அதில் எந்த பேட்டியில், தான் நேபாளத்தைப் பற்றி இழிவாகப் பேசியது இடம் பெற்றது - என்று காட்டுமாறு கேட்டார்.இதுவரை நேபாளத்தில் யாரும் இதற்கு பதில் கூறவில்லை. ஆக, அவர் அப்படி பேசவில்லை என்பதற்கான வாய்ப்பு அதிகம் இருப்பதாகத் தெரிகிறது.ஆனால் எதிர்ப்பு, கண்டனம் என்று ஆரம்பித்து, நேபாளத்தில் பெரிய ரகளை நடந்தது.

    இந்தியர்கள் தாக்கப்பட்டனர். அங்குள்ள எதிர்க்கட்சிகள் -குறிப்பாக இடது சாரிகள் - அரசை சங்கடப்படுத்துவதற்காக செய்துள்ள காரியம் இது. பொதுவாகவே நேபாளத்தில், அவ்வப்போது இந்திய எதிர்ப்புபெரிதாகத் தோன்றுவது வழக்கமாகிவிட்டது. இன்னமும் இந்த நிலையை மாற்ற முடியாமல் இருப்பது - இந்திய ராஜரீகத்தின் தோல்வி.

    கே: அந்த பரம சிவனே பெண்ணுக்கு 50 சதவிகித இடஒதுக்கீடு (தன் உடம்பில் பாதியை பார்வதிக்குக்கொடுத்தது) கொடுத்திருக்கும்போது, அந்த கடவுளை வணங்கும் நீங்கள் 33 சதவிகிதம் ஒதுக்கீடு கூடகூடாது - என்று கூறுவது ஏன்?

    ப : அந்த பரமசிவனுக்கு நேர்ந்த கதி என்ன? பிட்சாண்டி ஆகிவிட்டார். அந்த கதி எல்லோருக்கும் வர வேண்டுமா?

    கே: சந்தன வீரப்பனை தேடும் பணியில், பின்னடைவு ஏற்பட்டுள்ளதாக வரும் செய்தி பற்றி...?

    ப : தமிழக அரசைப் பொறுத்தவரையில், வீரப்பனும், அவனுடைய தீவிரவாத கூட்டாளிகளும், தெய்வத்திற்கு நிகர். இறைவன் " இருக்கும் இடம் விட்டு,இல்லாத இடம் தேடி... " அலைவதுதான் பக்தனின் வழக்கம். அரசு அதனால் தான், வீரப்பன் இல்லாத இடத்தில் தேட, அதிரடிப்படையைஏவியிருக்கிறது.

    கே: " தி.மு.க.வுக்கும், அ.தி.மு.க.வுக்கும் " அ " என்ற எழுத்தைத் தவிர, வேறு வித்தியாசம் இல்லை " - என்று த.மா.க.வின் ப.சிதம்பரம்தெரிவித்துள்ளது பற்றி...?

    ப : த,மா.க.வுக்கும், காங்கிரஸுக்கும் இடையே " த.மா " என்று இரண்டு எழுத்துக்கள் வித்தியாசம் இருக்கிறது என்கிற பெருமையில் பேசுகிறார்.

    கே: சாதாரண மனிதனின் மனசாட்சிக்கும், அரசியல்வாதியின் மனசாட்சிக்கும் என்ன வித்தியாசம்?

    ப : சாதாரண மனிதனின் மனசாட்சி - நண்பன். அரசியல்வாதியின் மனசாட்சி - தொண்டன்.

    கே: தமிழகத்தில் அடுத்தது கூட்டணி ஆட்சிதான் அமையும் என்று மூப்பனார் உறுதியாகக் கூறியுள்ளதுபற்றி...?

    ப : அவர் என்ன, சாபமா கொடுத்துவிட்டார்? ஆசிர்வாதம் செய்வதாகத்தானே நினைக்கிறார்!

    கே: புலி ரத்தத்தால் காளிக்கு பூஜை செய்யப்பட்டது - என்ற செய்தி பற்றி...?

    ப : இது என்ன கண்றாவி என்றே புரியவில்லை. சுதாகரன் தான் இதை நடத்தியிருக்கிறார் - என்று பல செய்திகள் கூறுகின்றன. நம்புவதா, இல்லையா என்றுகூட தெரியவில்லை. போகப் போக என்ன தெரியவருகிறது என்று பார்ப்போம். ஆக, நடந்திருப்பது ஓர் அரக்கத்தனம்.

    கே: இப்போது வீரப்பன் பிரச்னையை யாரும் பெரிதாக எடுத்துக் கொள்வதில்லையே ஏன்?

    ப : அடுத்த முறை அவன் ஒரு கடத்தலையோ, செயலையோ செய்கிறபோதுதான், மக்களுக்கு மீண்டும் அவன் நினைவு வரும். அரசுக்கும் அப்படியே.இப்போது, அவனுடன் தீவிரவதிகளும் இருப்பதால் , எங்காவது அவர்கள் நாச வேலையில் இறங்கினால் - முதலில் இது அவர்கள் செய்தது அல்ல என்றஅறிவிப்பும், பிறகு அவர்களைப் பற்றிய கவலையும் வரும்.

    கே: அரசியலில் கூடி வாழ்ந்தால் கோடி நன்மை கிடைக்குமா?

    ப : கோடி கிடைத்தால் கூடி வாழ்வார்கள் - என்பது நடக்கும்.

    கே: ரம்ஜான் நோன்பில் தலைக்கு தொப்பி வைத்துக்கொண்டு கஞ்சி குடிக்கும் கருணாநிதி, வைகோ போன்ற தலைவர்கள் - ஹிந்து பண்டிகைகளில் கலந்துகொள்வதில்லையே ஏன்?

    ப : "ஒட்டு மொத்த ஓட்டு இல்லாத இடத்தில், நாத்திகம் பேசு " - என்பது பகுத்தறிவு ஆத்திச்சூடியில் ஓர் அறிவுரை.

    கே: தேர்தலுக்கு தற்போது தயாராக இருப்பது யார்?

    ப : போலி வாக்காளர்கள். இப்போதே முனைந்து போலி அடையாள அட்டைகளை வாங்கி, ரெடியாக இருக்கிறார்கள். நாளையே தேர்தல் வந்தாலும்களத்தில் இறங்க அவர்கள் தயார்.

    கே: வீரப்பன் விவகாரம் எதுவானாலும், கருத்து வெளியிட கருணாநிதி அதிகம் தயங்குவதேன்?

    ப : " அரசு கருத்து " போலீஸ் அதிகாரிகளால் வெளியிடப்படுகிறது ; முதல்வரின் சொந்த கருத்து நெடுமாறனால் வெளியிடப்படுகிறது. இது போதாதா?முதல்வரே சொன்னால் தான் உண்டா?

    கே: " வீரப்பன் தேடுதல் வேட்டை வெளிப்படையாக இருக்க வேண்டும் " என்று நெடுமாறன் கூறியுள்ளாரே?

    ப : இதை விட என்ன வெளிப்படை தேவை? போலீஸாருக்கு என்ன பயிற்சி அளிக்கப்படுகிறது ; எல்லை பாதுகாப்புப் படை எங்கு வந்து இருக்கிறது ;எந்தெந்த இடங்களில் " தேடுதல் " நடக்கப்போகிறது - என்பதெல்லாம் அதிகாரபூர்வமாக டி.வி. முலம் ஒளிபரப்பாகிக் கொண்டே இருக்கிறது.

    போலீஸாரின் ஆள் பலத்திலிருந்து, ஆயுத பலம் வரை ஒரு விவரம் மிச்சம் மீதி இல்லாமல் தணடோரா போடப்படுகிறது. இதையும் விட " வெளிப்படை "தேவை என்றால், வீரப்பன் கோஷ்டிக்கு கடிதம் எழுதி தகவல் தந்து விட்டு, பதிலைப் பெற்ற பிறகு அதிரடிப்படை, தனது வேலைகளில் இறங்கலாம்.

    கே: அரசியல் தூய்மை ஆகிவிட்டால். அதில் குதித்து விடுவீர்களா?

    ப : அப்புறம் அது எப்படி தூய்மையாக இருக்கும்? தூய்மை இல்லை என்று உடனே வெளியேற வேண்டியதுதான். அதற்கு குதிக்காமலே இருந்து விடலாமே!

    கே: மூன்றாவது அணி சரிப்பட்டு வராது - என்று மார்க்சிஸ்ட் கம்யூனிஸ்ட் கட்சி கருதுகிறதாமே?

    ப : இதைப் புரிந்து கொள்ளவே இவ்வளவு நாட்கள் தேவைப்படுகிற கம்யூனிஸ்ட்களுக்கு, கம்யூனிசம் சரிப்பட்டு வராது - என்பதைப் புரிந்து கொள்ளஇத்தனை வருடங்கள் ஆனதில் வியப்பில்லை.

    வரன் தேடுகிறீர்களா? தமிழ் மேட்ரிமோனியில் பதிவு இலவசம்!

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more