ஜெர்மனியில் பெண் உள்பட 2 பேர் கைது

ஹாம்பர்க்:

அமெரிக்காவில் நடந்த விமானத் தாக்குதல்கள் தொடர்பாக ஐக்கிய அரபு நாடுகளைச் (யு.ஏ.ஈ.) சேர்ந்த ஒருஆணும் பெண்ணும் ஜெர்மனியில் கைது செய்யப்பட்டுள்ளனர்.

வடக்கு ஜெர்மன் நகரான ஹாம்பர்க் நகரில் இவர்கள் வசித்து வருகின்றனர். இவர்கள் படிப்பதற்காக ஜெர்மன்வந்துள்ளதாக தங்களை பதிவு செய்துள்ளனர்.

கைதானவர்களின் பெயர் விவரங்களை ஜெர்மன் போலீசார் தெரிவிக்கவில்லை. ஆனால், அமெரிக்காவின்எப்.பி.ஐ. துப்பு கொடுத்ததன்பேரில் இவர்கள் கைது செய்யப்பட்டுள்ளனர். பிடிபட்ட நபர் ஒரு அபார்ட்மென்ட்டைவாடகைக்கு எடுத்திருந்தார். இவரது வீட்டில் மொராக்கோவை சேர்ந்த நபர் தங்கியிருந்தார். இவரைத் தான்எப்.பி.ஐ. பிடிக்கச் சொல்லியுள்ளது. ஆனால், அவர் தலைமறைவாகிவிட்டார்.

பிடிபட்ட நபர் ஜெர்மனியில் விமான நிலையத்தில் தாற்காலிகமான ஊழியராக வேலை பார்த்து வருகிறார் என்பதுகுறிப்பிடத்தக்கது.

ஹாம்பர்க் நகரில் மேலும் 4 அபார்ட்மெண்ட்களிலும் போலீசார் சோதனை நடத்தியுள்ளனர்.

விமானத்தைக் கடத்தி கட்டடங்களில் மோதிய சம்பவத்தில் தொடர்புடையதாக் கூறப்படும் முகம்மத் அட்டா (வயது33), மார்வான் யூசுஸ் அல்செஹி (வயது 23) ஆகிய இருவரும் கடந்த மே மாதம் வரை ஹாம்பர்க்கில் தான்வசித்துள்ளனர். பின்னர் தான் புளோரிடாவுக்கு வந்துள்ளனர்.

ஹாம்பர்க்கில் உள்ள ஹார்பர்க் தொழில்நுட்ப பல்கலைக்கழகத்தில் சேர்ந்த இவர்கள் பின்னர் புளோரிடாவுக்குவந்து அங்கு வெனிஸ் பகுதியில் உள்ள ஏவியேசன் பிளைட் கல்லூரியில் சேர்ந்துள்ளனர்.

இந்த இருவருமே யூ.ஏ.ஈ. நாட்டைச் சேர்ந்தவன் என்று தெரியவந்துள்ளது. பாஸ்டனில் விமான நிலையம் அருகேஅனாதையாக விடப்பட்டிருந்த மிட்சுபிசி காரை இவர்கள் தான் வாடக்ைகு எடுத்தனர் என்பதும்உறுதியாகியுள்ளது. இந்த காரில் அரபி மொழியில் எழுதப்பட்ட பிளைட் மேனுவல்கள் இருந்தன.

ஹாம்பர்க் நகரில் வசிக்கும் இஸ்லாமிய தீவிரவாதிகள் ஒசாமா பின் லேடனின் தீவிரவாத நடவடிக்கைகளுக்குபணம் திரட்டித் தரும் செயல்களில் ஈடுபட்டு வருகின்றனர் என்ற புகார் ஏற்கனவே கூறப்பட்டு வருகிறது.

இந்த நகரில் மட்டும் பின் லேடன் ஆதரவாளர்கள் 1,000 பேர் இருப்பார்கள் என்று தெரிகிறது. இவர்கள்நேரடியாக தீவிரவாத நடவடிக்கைகளில் ஈடுபடாவிட்டாலும் பின் லேடன் அனுப்பி வைக்கும் ஆட்களுக்கு பணம்தருவது, அவர்கள் தங்குவதற்கு வசதி செய்து தருவது போன்ற செயல்களில் ஈடுபட்டு வருகின்றனர்.