ஆப்கானிஸ்தானுடன் சேர்த்து இராக்கையும் தாக்க அமெரிக்கா திட்டம்

வாஷிங்டன்:

ஆப்கானிஸ்தானுடன் சேர்த்து இராக் மீதும் கடும் தாக்குதல் நடத்த அமெரிக்காவும் நேட்டோ படைகளும் தயாராகிவருகின்றன.

அமெரிக்கா மீதான தாக்குதலைக் கண்டிக்காத ஒரே நாடு இராக் தான் என பென்டகன் அதிகாரிகள் கூறுகின்றனர்.

இதனால், இராக்கையும் சேர்த்துத் தாக்கத் திட்டமிட்டுள்ளனர்.

அதே நேரத்தில் ஆப்கானிஸ்தானுடனான போர் பல ஆண்டுகள் நீடிக்கும் எனவும் பென்டகன் கூறியுள்ளது. பெரும்உயிரிழப்புகளுக்கும் தயாராக இருக்க வேண்டும் என அமெரிக்க ராணுவத்தினரை அவர்கள் எச்சரித்துள்ளனர்.

அமெரிக்காவுக்குள் மேலும் தீவிரவாதிகள் பதுங்கியிருக்கலாம் எனக் கருதும் பென்டகன், ஆப்கானிஸ்தான் மீதுதாக்குதல் நடத்த ஆரம்பித்தவுடன் இத் தீவிரவாதிகள் அமெரிக்காவுக்குள் தாக்குதல் நடத்தலாம் எனத் தெரிகிறது.

மேலும் ஐரோப்பிய நாடுகளிலும் லேடனின் கூட்டாளிகள் தாக்குதல் நடத்தும் வாய்ப்புகளும் இருப்பதாகநேட்டோ கூறியுள்ளது.