ஜி.கே.வாசன் தலைமையில் நாளை பொதுக்குழு

சென்னை:

தமிழ் மாநில காங்கிரஸ் கட்சியின் பொதுக்குழுக் கூட்டம் கட்சியின் புதிய தலைவர் ஜி.கே.வாசன் தலைமையில் புதன்கிழமைசென்னையில் நடைபெறுகிறது.

ஜி.கே.வாசன் தலைவரான பிறகு நடக்கும் முதல் பொதுக்குழுக் கூட்டம் இது என்பது குறிப்பிடத்தக்கது.

தமிழ் மாநில காங்கிரஸ் கட்சியின் தலைமை அலுவலகமான சத்தியமூர்த்தி பவனுக்கு ஜி.கே.வாசன் காலை 9 மணிக்கு வருகிறார்.

அங்கு அவருக்கு தொண்டர்கள் அணிவகுப்பு மரியாதை செலுத்துகின்றனர். பின்னர் 10 மணிக்கு பொதுக்குழுக் கூட்டம்நடக்கிறது.

இதில் உள்ளாட்சித் தேர்தலில் கட்சியின் யுக்திகள் குறித்து விவாதிக்கப்படவுள்ளது.

மாலையில் 3 மணிக்கு மாநில அளவிலான நிர்வாகிகள், மாவட்ட அளவிலான தலைவர்கள் மற்றும் எம்.பிக்கள், எம்.எல்.ஏக்களின்கூட்டம் நடக்கிறது.

அது முடிந்த பிறகு 5 மணியளவில் முக்கிய நிர்வாகிகளுடன் தேர்தல் தொடர்பாக ஜி.கே.வாசன் தனியாக ஆலோசனை நடத்துகிறார்.