நாங்கள் நம்ப மாட்டோம் - அமெரிக்கா

வாஷிங்டன்:

பின்லேடன் தன்னிடம் அணுகுண்டு இருக்கிறது என்று கூறுவதை நாங்கள் நம்பவில்லை என்று அமெரிக்கராணுவத் தலைமையகமான பென்டகன் செய்தித் தொடர்பாளர் கூறினார்.

பாகிஸ்தானில் வெளியாகும் "டான்" என்ற பத்திரிக்கைக்கு, பின் லேடன் நேற்று (சனிக்கிழமை) அளித்த பேட்டியில்,என்னிடமும் அணுகுண்டு மற்றும் இராசயன ஆயுதங்கள் உள்ளன. அமெரிக்கா எங்கள் மீது அணுகண்டுத்தாக்குதலை நடத்தினால் பதிலுக்கு நாங்களும் அணுகுண்டுத் தாக்குதல் நடத்துவோம் என்று கூறியிருந்தார்.

இதுகுறித்து பென்டகன் செய்தித் தொடர்பாளர் டேவிட் லேபன் கூறுகையில்,

பின் லேடன் தன்னிடம் அணுகுண்டுகள் இருக்கிறது என்று கூறுவதை நாங்கள் நம்பவில்லை. ஆரம்ப காலங்களில்இருந்து அவரது பேச்சுக்களையும், நடவடிக்கைகளையும் நாங்கள் உன்னிப்பாகக் கவனித்து வருகிறோம்.

பின் லேடன் யாரிடமும் இருந்து அணு ஆயுதங்கள் வாங்கியதாக எங்களுக்குத் தகவல் இல்லை. எனவே அவர்கூறுவது பொய் என்றார் டேவிட்.