அமெரிக்க பாதுகாப்பு அமைச்சர் திடீர் ஆப்கான் விஜயம்

காபூல்:

அமெரிக்க பாதுகாப்பு அமைச்சர் டொனால்டு ரூம்ஸ்பெல்ட் இன்று (ஞாயிற்றுக்கிழமை) ஆப்கானிஸ்தானுக்கு திடீர்விஜயம் செய்தார்.

காபூலுக்கு அருகே உள்ள பக்ராம் விமானத் தளத்திற்கு வந்த ரூம்ஸ்பெல்ட், அங்கு முகாமிட்டுள்ள அமெரிக்கப்படையினரைச் சந்தித்தார்.

பிறகு ஆப்கானிஸ்தானில் புதிய அரசு அமைக்கவுள்ள தலைவர்களிடமும் சிறிது நேரம் பேச்சு நடத்தினார்.

ஜார்ஜியா போய்க் கொண்டிருக்கும் ரூம்ஸ்பெல்ட், ஆப்கானிஸ்தானின் புதிய பிரதமராக நியமிக்கப்பட்டுள்ளஹமீத் கார்சாயையும் சந்திக்கவுள்ளார்.

பயங்கரத் தாக்குதலுக்கு பின் லேடன் திட்டம்?

முன்னதாக ரூம்ஸ்பெல்ட் விமானத்தில் நிருபர்களிடம் பேசிக்கொண்டிருக்கும்போது, ஆப்கானிஸ்தானின் பல்வேறுபகுதிகளையும் ரசாயன மற்றும் கதிரியக்க ஆயுதங்கள் மூலம் பின் லேடன் தாக்கத் திட்டமிட்டுள்ளதாகக் கூறினார்.

இதற்கான பல முக்கியமான ஆதாரங்களை அமெரிக்க அதிகாரிகள் காண்டஹாரில் கைப்பற்றியுள்ளனர் என்றார்அவர்.

கடந்த அக்டோபர் மாதம் ஆப்கானிஸ்தானில் அமெரிக்கத் தாக்குதல் தொடங்கியதற்குப் பிறகு வரும் முதல்அமெரிக்க அமைச்சர் ரூம்ஸ்பெல்ட் என்பது குறிப்பிடத்தக்கது.