வட இந்தியாவில் நிலநடுக்கம்

டெல்லி:

வட இந்தியாவை இன்று லேசான நிலநடுக்கம் தாக்கியது.

இன்று பகல் 12.35 மணிக்கு ஏற்பட்ட இந்த நிலநடுக்கத்தை டெல்லி, ஜம்மூ-காஷ்மீர், பஞ்சாப், ஹரியாணாவில்உணர முடிந்தது. சுமார் 46 நொடிகள் இந்த நிலநடுக்கம் நீடித்தது.

ரிக்டர் அளவுகோலில் 6.3 என்ற அளவுக்கு இந்த நிலநடுக்கம் பதிவானது.

ஆப்கனிஸ்தானின் தென் பகுதியில் காபூலில் இருந்து 150 கி.மீ தொலைவில் இந்த நிலநடுக்கத்தின் மையம்இருந்தது.

ஆப்கானிஸ்தான், பாகிஸ்தானிலும் இந்த நில நடுக்கம் ஏற்பட்டது.

இதனால் உயிர்ச் சேதம் ஏதும் ஏற்பட்டதாக தகவல் இல்லை.

பூமிக்கு அடியில் 130 கி.மீ. ஆழத்தில் இந்த நிலநடுக்கம் ஏற்பட்டதாக வானிலை ஆராய்ச்சி மையம்தெரிவித்துள்ளது.