மதுரை அருகே பஸ்-லாரி மோதி ஒருவர் பலி

மதுரை:
மதுரை அருகே சுற்றுலா பஸ்சும் லாரியும் இன்று (சனிக்கிழமை) காலை நேருக்கு நேர் மோதிக் கொண்டதில்லாரியின் டிரைவர் சம்பவ இடத்திலேயே உயிரிழந்தார். வேறு 9 பேர் காயமடைந்தனர்.

மதுரையிலிருந்து திருச்சிக்கு ஒரு லாரி படு வேகத்துடன் சென்று கொண்டிருந்தது.

அப்போது பாண்டிச்சேரியிலிருந்து மதுரை நோக்கி வந்து கொண்டிருந்த ஒரு சுற்றுலா பஸ்சுடன் இந்த லாரி நேருக்குநேர் பயங்கரமாக மோதியது.

மோதிய வேகத்திலேயே லாரியின் முன் பகுதி சுக்கு நூறாக நொறுங்கி விட்டது. லாரியின் டிரைவர் சம்பவஇடத்திலேயே உடல் நசுங்கி உயிரிழந்தார்.

அந்த லாரியின் கிளீனர் உள்பட 9 பேர் இவ்விபத்தில் படுகாயமடைந்து, மதுரை அரசு மருத்துவமனையில்சேர்க்கப்பட்டனர்.

விபத்து குறித்து போலீசார் தீவிர விசாரணை நடத்தி வருகின்றனர்.