பா.ஜ.கவை ஆதரிக்க போட்டி போடும் திமுக, அதிமுக

சென்னை:

பாரதீய ஜனதா கட்சியை திமுகவும் அதிமுகவும் போட்டி போட்டுக் கொண்டு ஆதரித்து வருகின்றன. இதுதமிழகத்தின் மிக வினோதமான அரசியலாகும் என இந்திய கம்யூனிஸ்ட் கட்சியின் மாநிலச் செயலாளர்நல்லகண்ணு கூறினார்.

நிருபர்களிடம் பேசிய அவர்,

குஜராத்தில் நரேந்திர மோடி தலைமையில் மதவாதம் பிடித்த ஒரு ஆட்சி நடந்து வருகிறது. இதனால் இருமதங்களைச் சேர்ந்த ஆயிரக்கணக்கான மக்கள் உயிரிழந்து வருகின்றனர்.

மோடியை நீக்க வேண்டும் என தேசிய ஜனநாயகக் கூட்டணியில் உள்ள தெலுங்கு தேசக் கட்சித் தலைவர்சந்திரபாபு நாயுடு தைரியமாக பேசுகிறார். ஆனால், அந்தக் கூட்டணியில் உள்ள திமுக அதைப் பற்றி கருத்துத் கூடதெரிவிக்காமல் சந்தர்ப்பவாத அரசியல் நடத்திக் கொண்டுள்ளது.

பா.ஜ.கவை ஆதரிப்பதில் திராவிடக் கட்சிகள் என்று கூறிக் கொள்ளும் இந்த திமுக, அதிமுக இரு கட்சிகளுக்கும்இடையே கடும் போட்டியே நிலவி வருகிறது. இது மிக வினோதமான அரசியலாகும். பா.ஜ.கவை எதிர்க்க இந்தஇரு கட்சிகளுக்கும் தைரியமில்லை.

தமிழக மக்களை குழப்புவது தான் இந்தக் கட்சிகளின் நோக்கம். இதன் மூலம் அரசியல் லாபத்தை பார்த்துவருகின்றன.

இலங்கையில் அமைதி ஏற்படுவது தமிழகத்துக்கும் இந்தியாவுக்கும் நல்லது என்றார் நல்லகண்ணு.