சாத்தான்குளம் இடைத் தேர்தல்: காங்கிரஸுக்கு மூ.மூ.க. ஆதரவு

சென்னை:

சாத்தான்குளத்தில் காங்கிரஸ் கட்சிக்கு ஆதரவு தரப் போவதாக அகில இந்திய மூவேந்தர் முன்னேற்றக் கழகத்தலைவரான டாக்டர் சேதுராமன் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில்,

அதிமுக அரசு மக்கள் விரோத அரசாக மாறிவிட்டது. எனவே காங்கிரஸ் கட்சியை ஆதரிக்க முடிவு செய்தோம்.

எனது தலைமையில் தேர்தல் பணிக்குழு அமைக்கப்பட்டு சாத்தான்குளம் தொகுதியில் எங்களது கட்சியின் தீவிரபிரசாரம் மேற்கொள்ளப்படும். காங்கிரஸுக்கு ஆதரவாகப் பிரச்சாரம் செய்வோம்.

அதிமுக அரசின் மக்கள் விரோத நடவடிக்கைகளை எங்களது கட்சியினர் மக்கள் மத்தியில் வெளிப்படுத்துவார்கள்என்று டாக்டர் சேதுராமன் அவ்வறிக்கையில் கூறியுள்ளார்.

-->