21ம் தேதி தமிழக பட்ஜெட் தாக்கல்
சென்னை:
தமிழக சட்டமன்றத்தின் பட்ஜெட் கூட்டத் தொடர் வரும் 21ம் தேதி தொடங்கும் என சபாநாயகர் காளிமுத்துஅறிவித்தார்.
அன்றைய தினமே தமிழக அரசின் 2003-2004ம் ஆண்டுக்கான பட்ஜெட்டை நிதியமைச்சர் பொன்னையன் தாக்கல்செய்கிறார்.
இன்று நிருபர்களிடம் பேசிய காளிமுத்து, பட்ஜெட் கூட்டத் தொடர் மே மாதம் வரை தொடரலாம் என்றார்.
அரசு விழாக்களில் எதிர்க் கட்சிகளை முதல்வர் ஜெயலலிதா வெளுத்து வாங்கி வருவதால் பட்ஜெட் கூட்டத்தொடரின் ஆரம்ப நாட்களில் பெரும் பரபரப்பு இருக்கும் என்று தெரிகிறது. அரசை எதிர்த்து எதிர்க் கட்சியினர்பெரும் பிரச்சனையைக் கிளப்புவார்கள்.
சாத்தான்குளம் தேர்தல் விவகாரமும் சட்டமன்றத்தில் எதிரொலிக்கும். அரசை எதிர்த்துக் கேள்வி எழுப்பினால்போலீசார் மூலம் கைது நடவடிக்கைகளில் முதல்வர் ஜெயலலிதா இறங்கலாம் என்று திமுக கருதுகிறது.
இதனால், புதிய வழக்குகளைச் சந்திக்க வழக்கறிஞர்களை தயார் செய்து வைக்குமாறு திமுக எம்.எல்.ஏக்கள் மற்றும்முக்கிய தலைவர்களுக்கு அறிவாலயத்தில் இருந்து நோட் அனுப்பப்பட்டுள்ளது.
-->