கேஸ் டேங்கர் லாரி டிரைவர்கள் ஸ்டிரைக்

நாமக்கல்:

எல்.பி.ஜி.சமையல் எரிவாயு டேங்கர் லாரி உரிமையாளர்களைத் தொடர்ந்து டிரைவர்கள் கிளீனர்களும் காலவரையற்ற வேலைநிறுத்தத்தில் குதிக்க உள்ளனர்.

வாடகையை உயர்த்தக் கோரி தென் மண்டல எல்.பி.ஜி லாரி உரிமையாளர்கள் கடந்த ஜனவரியில் வேலை நிறுத்தப் போராட்டத்தில்ஈடுபட்டனர். இதனால் தமிழகம் உள்ளிட்ட தென் மாநிலங்களில் சமையல் கேசுக்கு கடும் தட்டுப்பாடு ஏற்பட்டது.

இப்போது கேஸ் டேங்கர் லாரிகளை இயக்கும் டிரைவர்கள், கிளீனர்கள் போராட்டத்தில் குதிக்க உள்ளனர்.

சம்பள உயர்வு, பணி உத்தரவு வழங்கக் கோரி வரும் ஜூன் 2ம் தேதி முதல் இந்தக் காலவரையற்ற வேலைநிறுத்தப்போராட்டத்தில் ஈடுபடவுள்ளனர். இதனால் மீண்டும் சமையல் கேஸ் தட்டுப்பாடு ஏற்படும் சூழ்நிலைஉருவாகியுள்ளது.