வழக்கறிஞரை அதிரடியாய் நீக்கினார் ஜெ.

சென்னை:

தமிழக அரசின் அட்வகேட்ஜெனரல் என்.ஆர்.சந்திரனை அவரது அறைக்குச் சென்று அசிங்கமாகப் பேசி, திட்டி,அவமானப்படுத்திய வக்கீலின் அதிமுக கட்சிப் பதவியை பறித்தும், அவரை கட்சியின் அடிப்படை உறுப்பினர்பதவியிலிருந்து நீக்கியும் கட்சியின் பொதுச் செயலாளரான ஜெயலலிதா உத்தரவிட்டுள்ளார்.

அரசு வழக்கறிஞர் பதவி பறிக்கப்பட்டது தொடர்பாக ஆத்திரமடைந்த வக்கீல் விஜயக்குமார் தனது ஆதரவுவழக்கறிஞர்களோடு, அட்வகேட் ஜெனரல் என்.ஆர்.சந்திரனின் அறைக்கு சென்று தாறுமாக திட்டியதோடு,தரக்குறைவாகவும் பேசினார். அவரது ஜூனியர்களையும் தாக்கினார்.

இந்த விஜயக்குமார், தென் சென்னை மாவட்ட அதிமுக வழக்கறிஞர்கள் அணி இணைச் செயலாளராக இருந்துவந்தார். இந் நிலையில், அவரது கட்சிப் பதவியை ஜெயலலிதா பறித்து உத்தரவிட்டுள்ளார். அத்தோடு கட்சியின்அடிப்படை உறுப்பினர் பதவியிலிருந்தும் விஜய்குமார் நீக்கப்பட்டுள்ளார்.

அதிமுகவின் கண்ணியத்தைக் கெடுக்கும் வகையில் நடந்து கொண்ட விஜயக்குமாருடன் அதிமுகவினர் இனிஎந்தவித தொடர்பும் வைத்துக் கொள்ளக் கூடாது என்றும் ஜெயலலிதா உத்தரவிட்டுள்ளார்.