அவசரமாக தரையிறக்கப்பட்ட மதுரை விமானம்

மதுரை:

மதுரையிலிருந்து சென்னைக்குக் கிளம்பிய இந்தியன் ஏர்லைன்ஸ் விமானம் தொழில்நுட்ப கோளாறு காரணமாகமீண்டும் மதுரை விமான நிலையத்தில் அவசரமாக தரையிறக்கப்பட்டது.

சென்னையிலிருந்து மதுரைக்கு நேற்று பிற்பகல் 12.40 மணிக்கு இந்தியன் ஏர்லைன்ஸ் விமானம் வந்தது.

பின்னர் 78 பயணிகளுடன் மதியம் 1.20 மணிக்கு மீண்டும் சென்னை கிளம்பியது. கிளம்பிய 15 நிமிடத்திற்குள்விமானத்தில் தொழில்நுட்ப கோளாறு ஏற்பட்டுள்ளது.

இதையடுத்து விமானம் மீண்டும் மதுரை விமான நிலையத்திற்கே கொண்டுவரப்பட்டது. அவசரமாகதரையிறக்கப்பட்டது.

இதன் பின்னர் திருவனந்தபுரத்திலிருந்து சென்னை செல்லும் விமானத்தை மதுரைக்குத் திருப்பி, அதில் சென்னைசெல்ல வேண்டிய 78 பயணிகளும் ஏற்றப்பட்டு விமானம் சென்னை கிளம்பியது.