சன் டிவிக்கு சிபிசிஐடி அனுப்பிய சம்மன் .. ரத்து செய்தது நீதிமன்றம்

சென்னை:

சன் டிவிக்கு சிபிசிஐடி போலீஸார் அனுப்பிய சம்மன் உத்தரவை சென்னை உயர்நீதிமன்றம் ரத்து செய்துஉத்தரவிட்டது.

சென்னையில் திமுக ஆட்சிக்காலத்தில் கட்டப்பட்ட மேம்பாலப் பணிகளில் ரூ. 12 கோடி அளவுக்கு முறைகேடுநடந்தது தொடர்பான வழக்கில்,

திமுக தலைவர் கருணாநிதி கைது செய்யப்பட்டபோது, அவரை போலீஸார் தூக்கிச் செல்வதை சன் டிவி படம்பிடித்து அடிக்கடி ஒளிபரப்பி வந்தது.

இதனால் சென்னை உள்ளிட்ட தமிழகத்தின் பல்வேறு பகுதிகளில் வன்முறை வெடித்தது என்றும் இதனால் தனதுபயணம் மற்றும் தொழில் பாதிக்கப்பட்டதாகவும் கீழக்கரையைச் சேர்ந்த முகம்மது இப்ராகிம் என்பவர் சிபிசிஐடிபோலீஸில் புகார் கொடுத்தார்.

இதைத் தொடர்ந்து சன் டிவி நிறுவன இயக்குநர் கலாநிதி மாறன் மீது போலீஸார் வழக்குப் பதிவு செய்து,கருணாநிதி கைது தொடர்பாக எடுக்கப்பட்ட ஒரிஜினல் வீடியோ கேசட்,

வீடியோ படம் எடுத்தவர்கள் ஆகியோருடன் நேரில் விசாரணைக்கு ஆஜராகுமாறு சம்மன் அனுப்பினர்.

இதை எதிர்த்து சென்னை உயர்நீதிமன்றத்தில் கலாநிதி மாறன் மனு செய்தார். அந்த மனுவை விசாரித்தஉயர்நீதிமன்ற நீதிபதி கனகராஜ், சிபிசிஐடியின் சம்மன் உத்தரவை ரத்து செய்து உத்தரவிட்டார்.