9ம் தேதி சந்திர கிரகணம்: 25 நிமிடமே நீடிக்கும்

டெல்லி:

வரும் 9ம் தேதி அதிகாலையில் சந்திர கிரகணம் ஏற்படவுள்ளது.

இது தொடர்பாக டெல்லி நேரு கோளரங்க இயக்குநர் ரத்னஸ்ரீ கூறுகையில்,

9 ம் தேதி ஏற்படும் சந்திரகிரகணத்தின்போது அதிகாலையில் மேற்கு வானில் மஞ்சள் வடிவில் சந்திரனைத்தெளிவாகக் காணலாம். இருப்பினும், கிரகணத்தின் முக்கியமான பகுதியை இந்தியாவில் காண முடியாது.

கிழக்குப் பகுதியில் வசிப்பவர்கள் தொடக்கத்திலிருந்தே சந்திர கிரகணத்தைப் பார்க்க முடியாது.

சாதாரணமாக ஒன்றிலிருந்து இரண்டு மணி நேரம் வரை நீடிக்கும் சந்திர கிரகணம் இம்முறை 25 நிமிடங்களேநீடிக்கும். இந்தியாவில் காலை 6.36 மணிக்குத் தொடங்கி 7.01 மணிக்கு கிரகணம் முடிவடையும் என்றார்.