கருணாநிதியின் புதிய வீடு: சான்றிதழ் தர மாநகராட்சி மறுப்பு!

சென்னை:

திமுக தலைவர் கருணாநிதியின் புதிய வீட்டுக்குப் பூர்த்தி சான்றிதழ் தர சென்னை மாநகராட்சி மறுத்து விட்டது.

சென்னை, சிஐடி காலனி பகுதியில் திமுக தலைவர் கருணாநிதி புதிய வீடு கட்டியுள்ளார். இந்த வீடு கட்டி நீண்டநாட்களாகியும் இன்னும் பூர்த்தி சான்றிதழ் தரப்படவில்லை. இதுதொடர்பாக சென்னை மாநகராட்சிக் கூட்டத்தில்திமுக உறுப்பினர்கள் புகார் தெரிவித்துள்ளனர்.

இந்த நிலையில், மாநகராட்சி ஒப்புதல் அளித்த கட்டட மாதிரியில் கூறப்பட்டுள்ளபடி வீடு கட்டப்படவில்லைஎன்று கூறிப் பூர்த்தி சான்றிதழைத் தர மாநகராட்சி மறுத்து விட்டது. சென்னை பெருநகர வளர்ச்சிக் குழுமத்தைஅணுகி பூர்த்தி சான்றிதழ் தொடர்பாக விண்ணப்பிக்குமாறும் மாநகராட்சி நகர வடிவமைப்புப் பிரிவுகருணாநிதிக்குக் கடிதம் அனுப்பியுள்ளது.