சென்னை- இலங்கைக்கு தினசரி விமான சேவை: மத்திய அரசு முடிவு

டெல்லி:

சென்னை உள்ளிட்ட இந்தியாவின் 6 முக்கிய நகரங்களிலிருந்து இலங்கைக்கு தினசரி விமான சேவையைத்தொடங்க மத்திய அரசு முடிவு செய்துள்ளது.

டெல்லியில் நேற்று இரவு பிரதமர் வாஜ்பாய் தலைமையில் அமைச்சரவைக் கூட்டம் நடைபெற்றது. அப்போதுவிமானத் துறை தொடர்பான பல்வேறு முக்கிய முடிவுகள் எடுக்கப்பட்டன.

அது குறித்து விமானப் போக்குவரத்துத் துறை அமைச்சர் பிரதாப் சிங் ரூடி செய்தியாளர்களிடம் கூறுகையில், தென்கிழக்கு ஆசிய நாடுகளுடனான உறவை மேலும் வலுப்படுத்தும் வகையில், அந்த நாடுகளுக்கு விமான சேவையைஅதிகரிக்க அமைச்சரவை ஒப்புதல் அளித்துள்ளது.

இலங்கையைப் பொருத்தவரை, இந்தியாவின் 6 முக்கிய நகரங்களான சென்னை, டெல்லி, மும்பை, கொல்கத்தா,பெங்களூர், ஹைதராபாத் ஆகிய நகரங்களிலிருந்து தினசரி விமான சேவையை மேற்கொள்ள ஒப்புதல்அளிக்கப்பட்டுள்ளது என்றார் அவர்.