பா.ஜ.க. கூட்டணியிலிருந்து திமுக வெளியேற வேண்டும்: வாசன்

சென்னை:

தேசிய ஜனநாயகக் கூட்டணியிலிருந்து திமுக உடனடியாக வெளியேறி மதச் சார்பற்ற சக்திகளுடன் கை கோர்க்கவேண்டும் என்று தமிழக காங்கிரஸ் தலைவர் ஜி.கே.வாசன் கோரிக்கை விடுத்துள்ளார்.

இது தொடர்பாக சென்னையில் செய்தியாளர்களிடம் அவர் பேசுகையில், பா.ஜ.க. தலைமையிலான மதவாத தேசியஜனநாயகக் கூட்டணியில் திமுக நீடிப்பதை மக்கள் விரும்பவில்லை. மக்கள் விரும்பாத கூட்டணியிலிருந்து திமுகஉடனடியாக வெளியேறி மதச் சார்பற்ற சக்திகளுடன் கை கோர்க்க வேண்டும்.

மக்கள் பிரச்சினைகளைத் தீர்ப்பதில் அதிமுக அரசு ஆர்வம் காட்டவில்லை. மக்கள் பிரச்சினைகளை அதிமுக அரசுதொடர்ந்து புறக்கணித்து வந்தால், அதற்காக காங்கிரஸ் கட்சி போராட்டம் நடத்தத் தயங்காது என்று கூறினார்அவர்.