வேட்பாளர் தேர்வுக்கு 15 பேர் குழு நியமிப்பு: தமிழக பா.ஜ.க.

சென்னை:

கூட்டணி குறித்தும், வேட்பாளர்கள் தேர்வு குறித்தும் பரிந்துரைக்க 15 பேர் கொண்ட குழுவை தமிழக பா.ஜ.க.தலைவர் சி.பி.ராதாகிருஷ்ணன் நியமித்துள்ளார்.

இது தொடர்பாக பா.ஜ.க செய்தித் தொடர்பாளர் குமாரவேலு வெளியிட்ட அறிக்கையில்,

மயிலாப்பூர் எம்.எல்.ஏ. லட்சுமணன் இக் குழுவின் தலைவராக இருப்பார். நாராயணராவ், விஜயராகவலு,சந்திரபோஸ், கிருபாநிதி, பொன்.ராதாகிருஷ்ணன், திருநாவுக்கரசர், மாஸ்டர் மாதன், ராஜா, மோகன்ராஜூலு,குமாரவேலு, வீரபாண்டியன், முரளிதரன், அரசன், தமிழிசை செளந்தரராஜன் ஆகியோர் இதன் உறுப்பினர்கள்ஆவார்கள்.

இக் குழு கூட்டணி குறித்தும், வேட்பாளர்கள் தேர்வு குறித்தும் தனது பரிந்துரையை மாநிலத் தலைவரிடம்அளிக்கும் என்று தெரிவித்துள்ளார்.