தேர்தலில் வைகோ போட்டியில்லை: மதிமுக வேட்பாளர்கள் அறிவிப்பு

சென்னை:

மதிமுக பொதுச் செயலாளர் வைகோ வரும் நாடாளுமன்றத் தேர்தலில் போட்டியிடவில்லை. அவரது சிவகாசிதொகுதியில் சிப்பிப்பாறை ரவிச்சந்திரன் என்பவரை வேட்பாளராக நிறுத்தியுள்ளார் வைகோ.

கூட்டத்தில் பேசும் வைகோ

19 மாத சிறைவாசத்திற்குப் பிறகு முதல் முறையாக சென்னை அண்ணா நகர் புல்லா ரெட்டி அவென்யூ பகுதியில்நடந்த மிகப் பிரமாண்டமான மதிமுக பொதுக் கூட்டத்தில் வைகோ பேசினார். அப்போது மதிமுக வேட்பாளர்கள்பட்டியலையும் அவர் வெளியிட்டார்.

இந்த அறிவிப்பு கூடியிருந்த ஆயிரக்கணக்கான மதிமுக தொண்டர்களுக்கு பெரும் அதிர்ச்சியைக் கொடுத்தது.காரணம், பட்டியலில் வைகோவின் பெயர் இல்லை. அதற்கு மாறாக சிவகாசி தொகுதியில் சிப்பிப்பாறைரவிச்சந்திரன் என்பவர் சிவகாசியில் போட்டியிடுவார் என்று வைகோ அறிவித்தபோது, கூட்டத்தில் பெரும்அதிர்ச்சி காணப்பட்டது.

வந்தவாசி தொகுதியில் செஞ்சி ராமச்சந்திரனும், திருச்சியில் எல்.கணேசனும், பொள்ளாச்சியில் கடந்த முறைபோட்டியிட்டு வென்ற டாக்டர் கிருஷ்ணனும் போட்டியிடுவார்கள் என வைகோ அறிவித்தார். வைகோவைத் தவிர முன்னாள் மத்திய அமைச்சர் கண்ணப்பனும் இந்தத் தேர்தலில் போட்டியிடவில்லை.

வைகோ பேச்சைக் கேட்க கூடிய கூட்டம்