புதுவையில் பா.ஜ.க. சார்பில் லலிதா போட்டி: நாயுடு வருகை

பாண்டிச்சேரி:

பாரதீய ஜனதாக் கட்சி சார்பில் புதுவையில் போட்டியிடவுள்ள கட்சியின் தேசிய செயலாளர் லலிதாகுமாரமங்கலத்தின் தேர்தல் பிரசாரத்தை கட்சித் தலைவர் வெங்கையா நாயுடு மார்ச் 7ம் தேதி புதுவையில்தொடங்கி வைக்கிறார்.

அதிமுக கூட்டணியில் இடம் பெற்றுள்ள பா.ஜ.க. புதுவை தொகுதியில் போட்டியிடுகிறது. இங்கு லலிதாகுமாரமங்கலம் (ரங்கராஜன் குமாரமங்கலத்தின் சகோதரி) போட்டியிடவுள்ளார்.

இந் நிலையில் வரும் 7ம் தேதி வெங்கையா நாயுடு பாண்டிச்சேரிக்கு வருகிறார். கட்சி நிர்வாகிகளுடன்ஆலோசனை நடத்தும் அவர் அன்று மாலை நடக்கும் பொதுக் கூட்டத்தில் கலந்து கொண்டு லலிதாகுமாரமங்கலத்தின் தேர்தல் பிரசாரத்தைத் தொடங்கி வைக்கிறார்.

புதுவை தேர்தலில் பிரசாரம் செய்ய பிரதமர் வாஜ்பாய், துணைப் பிரதமர் அத்வானி ஆகியோரையும் அழைக்கமாநில பா.ஜ.க. முடிவு செய்துள்ளது.