ஆஸ்கர்: 11 விருதுகளை அள்ளியது லார்ட் ஆஃப் த ரிங்க்ஸ்

லாஸ் ஏஞ்சல்ஸ்:

இந்த ஆண்டுக்கான ஆஸ்கர் விருதுகளில் 11 விருதுகளை லார்ட் ஆஃப் த ரிங்க்ஸ்- ரிடர்ன் ஆப் த கிங்ஸ்பேன்டஸி படம் வென்றுள்ளது.

சிறந்த படம், சிறந்த இசையமைப்பு, சிறந்த பாடல், சிறந்த இயக்குநர், சிறந்த திரைக்கதையமைப்பு, சிறந்தவிஷூவல் எபெக்ட்ஸ், சிறந்த படத்தொகுப்பு, சிறந்த மேக்-அப், சிறந்த கலையமைப்பு, சிறந்த ஆடையலங்காரம்மற்றும் சிறந்த ஒலிப்பதிவு ஆகிய பிரிவுக்கான விருதுகளை இந்தப் படம் தட்டிச் சென்றுள்ளது.

பென்ஹர், டைட்டானிக் படங்களை அடுத்து 11 விருதுகளை அள்ளிச் சென்ற மூன்றாவது படமாகும் இது. சிறந்தஇயக்குனராக இந்தப் படத்தின் டைரக்டர் பீட்டர் ஜேக்சன் தேர்வு செய்யப்பட்டார்.

சிறந்த நடிகருக்கான விருது மிஸ்டிக் ரிவரில் நடித்த ஸீன் பென்னுக்கும், சிறந்த நடிகைக்கானவிருது மாண்ஸ்டர் படத்தில் நடித்த கார்லிஸ் த்ரோனுக்கும் வழங்கப்பட்டுள்ளது.

சிறந்த துணை நடிகராக மிஸ்டிக் ரிவரில் நடித்த டிம் ராபின்சனும், சிறந்த துணை நடிகையாக கோல்ட்மவுண்டனில் நடித்த ரேனி ஜெல்வேகரும் தேர்ந்தெடுக்கப்பட்டனர்.

சிறந்த அனிமேஷன் படத்திற்கான விருதை பைண்டிங் நிமோ என்ற படம் பெற்றுள்ளது. சிறந்த வேற்று மொழிதிரைப் படத்திற்கான விருதை பிரெஞ்ச்-கனட தயாரிப்பாளரான டெனிஸ் ஆர்கண்டின்--தி பார்பேரியன்இன்வேஷன் பெற்றுள்ளது.

இயக்குநர் எரால் மோரிஸின் த பாக் ஆப் வார் சிறந்த டாக்குமென்டரி படத்திற்கான ஆஸ்கார் விருதைப்பெற்றுள்ளது. வாழ்நாள் சாதனையாளர் விருது படத் தயாரிப்பாளர் பிளேக் எட்வர்ட்ஸூக்கு வழங்கப்பட்டுள்ளது.