அயோத்தியில் ராமர்கோவில்: அரசியல் கட்சிகளுக்கு வி.ஹெச்.பி. நிபந்தனை

பெர்காம்பூர்:

மக்களவைத் தேர்தலில் இந்துக்களின் ஓட்டுக்களை பெற விரும்பும் அரசியல் கட்சிகள், அயோத்தியில் ராமர்கோவில் கட்ட சட்டம் இயற்ற உறுதியளிக்க வேண்டும் என்று விசுவ ஹிந்து பரிஷத் இயக்கப் பொதுச் செயலாளர்பிரவீண் தொகாடியா நிபந்தனை விதித்துள்ளார்.

இது தொடர்பாக செய்தியாளர்களிடம் அவர் கூறியதாவது:

அயோத்தியில் ராமர் கோவில் கட்டுவதற்கு நாடாளுமன்றத்தில் சட்டம் இயற்ற உறுதி அளிக்க வேண்டும். இதுதொடர்பாக தங்களது தேர்தல் அறிக்கையில் குறிப்பிடாத கட்சிகளுக்கு இந்துக்கள் யாரும் வாக்களிக்கமாட்டார்கள்.

எல்லை தாண்டிய பயங்கவாதம் நீடிக்கும் நிலையில் இந்தியா-பாகிஸ்தான் இடையே சமாதான முயற்சிகள்தேவையில்லை. பாகிஸ்தானுடன் கிரிக்கெட் விளையாடுவதில் கவனம் செலுத்துவதை விட்டுவிட்டு,பயங்கரவாதத்தை ஒடுக்குவதில் கவனம் செலுத்த வேண்டும் என்றார்.