நிலை தடுமாறும் திமுக, மதிமுக: பா.ஜ.க. புகார்

சென்னை:

கொண்ட கொள்கையில் உறுதியாக இல்லாமல் திமுக, மதிமுக ஆகிய கட்சிகள் அடிக்கடி நிலை தடுமாறுகின்றன என்று பா.ஜ.க.செய்தித் தொடர்பாளர் நா.சே.ராமச்சந்திரன் கூறியுள்ளார்.

சென்னையில் இன்று செய்தியாளர்களிடம் அவர் பேசுகையில், கடந்த நாடாளுமன்றத் தேர்தலின்போது பா.ஜ.க.வை புகழ்ந்தமதிமுக இப்போது பா.ஜ.கவை மதவாத கட்சி என்கிறது, நாட்டை அழிக்கப் பார்க்கிறது என்று குற்றம் சாட்டுகிறது. இது அந்தக்கட்சியின் சந்தர்ப்பவாதக் கொள்கையைக் காட்டுகிறது.

அதேபோல, பா.ஜ.கவை முன்பு புகழ்ந்து தள்ளிய திமுக இப்போது விமர்சித்துத் தள்ளுகிறது. இந்தக் கட்சிகளுக்கு நிலையானகொள்கை இல்லை என்பதையே இது காட்டுகிறது.

துணைப் பிரதமர் அத்வானியின் ரத யாத்திரை பெரும் வெற்றியைப் பெறும். இதனால்தான் எதிர்க்கட்சிகள் அனைத்தும் ரதயாத்திரையை விமர்சிக்கின்றன, தடை விதிக்கக் கோருகின்றன என்றார் அவர்.