ஸ்ரீஹரிகோட்டா விபத்தில் காயமடைந்த பொறியாளரும் பலி

சென்னை:

ஸ்ரீஹரிகோட்டா விண்வெளி தளத்தில் நடந்த வெடி விபத்தில் காயமடைந்து மருத்துவமனையில் சிகிச்சை பெற்று வந்தவர்களில்மேலும் ஒருவர் இறந்தார். இதனால் சாவு எண்ணிக்கை 7 ஆக உயர்ந்துள்ளது.

ஸ்ரீஹரிகோட்டா ஏவுதளத்தில் கடந்த மாதம் 23ம் தேதி நடந்த ராக்கெட் மோட்டார் வெடிவிபத்தில் 6 பேர் சம்பவ இடத்திலேயேஇறந்தனர். படுகாயமடைந்த 2 பேர் சென்னை அப்பல்லோ மருத்துவமனையில் அனுமதிக்கப்பட்டிருந்தனர். இருவரது நிலையும்கவலைக்கிடமாக இருந்து வந்தது.

இந் நிலையில் கிருஷ்ணபிரசாத் என்ற பொறியாளர்சிகிச்சை பலனளிக்காமல் நேற்றிரவு இறந்தார். அவருக்கு 80 சதவீத அளவுக்குதீக்காயம் ஏற்பட்டிருந்ததாக அப்பல்லோ மருத்துவமனை டாக்டர்கள் தெரிவித்தனர்.