கர்நாடகத்தில் 5 சட்டமன்ற தொகுதிகளில் அதிமுக போட்டி: வேட்பாளர்கள் அறிவிப்பு
டெல்லி:
கர்நாடகத்தில் நடக்கும் சட்டமன்றத் தேர்தலில் 5 தொகுதிகளில் அதிமுக போட்டியிடுகிறது. பெங்களூரில் 4 தொகுதிகளிலும்,கோலார் தங்கவயல் தொகுதியிலும் அக் கட்சி போட்டியிடுகிறது.
வரும் மக்களவைத் தேர்தலுடன் கர்நாடக சட்டசபைக்கும் தேர்தல் நடக்கவுள்ளது. இதில் பெங்களூர் சிக்பேட்டை தொகுதியில்கர்நாடக மாநில அதிமுக செயலாளர் புகழேந்தி போட்டியிடுகிறார்.
கோலார் தங்க வயல் தொகுதியில் முன்னாள் எம்.எல்.ஏ. பக்தவச்சமும், பெங்களூர் சாம்ராஜ்பேட்டையில் முனுசாமியும், பாரதிநகர் தொகுதியில் சிவசண்முகமும், காந்திநகர் தொகுதியில் சக்கரவர்த்தியும் போட்டியிடுவர் என முதல்வர் ஜெயலலிதா இன்றுவெளியிட்ட அறிக்கையில் கூறியுள்ளார்.
இதில் சக்கரவர்த்தி பெங்களூர் மாநகராட்சியில் அதிமுக கவுன்சிலராக உள்ளார். கோலார் தங்கவயலில் கடந்த முறை அதிமுகதான் வென்றது. பாரதி நகர் தொகுதியில் அதிமுக பலமுறை வென்றுள்ளது.
அதிமுகவுக்கும் திமுகவுக்கும் பெங்களூர் மாநகராட்சியில் பல கவுன்சிலர்கள் உள்ளனர். ஒரு காலத்தில் பெங்களூர் நகரில் மட்டும்5 எம்.எல்.ஏக்கள் வரை திமுக வென்றுள்ளது. பின்னர் திமுக தேய்ந்து கட்டெறும்பு ஆனது.
அதிமுக மட்டுமே கர்நாடகத்தில் தீவிரமாக செயல்பட்டு வருகிறது.