சைதையை கலக்கிய நெட்டையும், குட்டையும்!

சென்னை:

தென் சென்னை நாடாளுமன்றத் தொகுதி அதிமுக வேட்பாளர் பாதர் சையத்தை ஆதரித்து நடிகர் குள்ளமணியும், 8அடி உயர நெட்டை மனிதர் தேவராஜ் என்பவரும் சேர்ந்து பிரச்சாரம் செய்தது அப்பகுதி மக்களை ஈர்த்தது.

தென் சென்னை தொகுதியில் அதிமுக சார்பில் பாதர் சையத் போட்டியிடுகிறார். இவரை ஆதரித்து அதிமுகவின்பல்வேறு தரப்பினரும் பிரச்சாரம் செய்து வருகின்றனர். திரையுலகைச் சேர்ந்த நடிகர் ராதாரவியும் தீவிரமாகப்பிரச்சாரம் செய்து வருகிறார்.

அதேபோல, நடிகர் குள்ளமணியும் பிரச்சாரத்தில் குதித்துள்ளார். அவரும், 8 அடி உயர நெட்டை மனிதர் தேவராஜ்என்பவரும் சேர்ந்து சைதாப்பேட்டை பகுதியில் பிரச்சாரம் செய்தனர்.

இருவரது வித்தியாசமான காம்பினேஷன் அப்பகுதி மக்களை ஈர்த்தது. சைதையின் பல்வேறு பகுதிகளிலும் இந்தநெட்டை, குட்டை ஜோடி பிரச்சாரம் செய்து பாதர் சையத்துக்கு ஓட்டு சேகரித்தனர்.

அதேபோல, வேட்பாளர் பாதர் சையத், நடிகர் ராதாரவி, அமைச்சர் பொன்னையன், துணை மேயர் கராத்தேதியாகராஜன் உள்ளிட்டோரும் தென் சென்னையின் பல்வேறு பகுதிகளில் பிரச்சாரம் செய்து வாக்கு சேகரித்தனர்.