களத்தில் குதித்த பபிதா !

சென்னை:

மத்திய சென்னை தொகுதி அதிமுக வேட்பாளர் பாலகங்காவை ஆதரித்து குலுக்கல் நடிகை பபிதா பிரசாரம் செய்துவருகிறார். அவரை நெருக்கத்தில் பார்ப்பதற்காக ஏராளமான அதிமுகவினர் முண்டியடித்தனர்.

மத்திய சென்னை தொகுதி அதிமுக வேட்பாளர் பாலகங்காவை ஆதரித்து பூங்கா நகர், தட்டான்குளம் பகுதியில்பொதுக்கூட்டம் நடந்தது. அமைச்சர்கள் பொன்னையன், ஜெயக்குமார் உள்ளிட்டோர் கலந்து கொண்டு பேசினர்.

அதேபோல, குலுக்கல் நடிகை பபிதா, நடிகை சி.ஆர்.சரஸ்வதி ஆகியோர் கலந்து கொண்டு கூட்டத்திற்குக் கவர்ச்சிசேர்த்தனர்.

பபிதாவைக் காணவும், அவர் பேசும் அழகைப் பார்க்கவும் ஏராளமான அதிமுக தொண்டர்கள் குவிந்திருந்தனர்.மேடையின் அருகே வருவதற்காக முண்டியடித்ததால் தள்ளுமுள்ளு ஏற்பட்டது.

இதையடுத்து பபிதாவுக்கு வழிவிட்டு பொன்னையன் தனது பேச்சை பாதியிலேயே முடித்துக் கொள்ள வேண்டியநிலை ஏற்பட்டது. இன்றும் பபிதா பிரச்சாரத்தில் ஈடுபடுகிறார்.