காதலர்களை குறி வைக்கும் சுயேச்சை வேட்பாளர்

சேலம்:

சேலம் நாடாளுமன்றத் தொகுதியில் சுயேச்சையாகப் போட்டியிடும் ஷாஜகான் என்ற வேட்பாளர்காதலவர்களையும், இளைஞர்களையும் கவரும் வகையில் பேசி ஓட்டு சேகரிக்கிறார்.

ஷாஜகானின் பேச்சுக்களில் காதலையும், காதலர்களையும் போற்றும் விதமான வார்த்தைகளே அதிகம்காணப்படுகிறது. தனது பிரசாரத்தின்போது, காதலர்களே, இளைஞர்களே, சேலம் நகரில் உங்களது காதலைவளர்க்க போதுமான இடங்கள் இல்லை, சரியான வாய்ப்புகள் இல்லை.

எனவே என்னை வெற்றி பெறச் செய்தால், சேலம் நகரின் மையப் பகுதியில் காதலர்களுக்காகவே சிறப்புப்பூங்காவை அமைக்க ஏற்பாடு செய்வேன். அதேபோல, புதுமணத் தம்பதிகள், இளைஞர்கள், பெண்கள் மனம்விட்டுப் பேசவும் இந்த பூங்காவைப் பயன்படுத்திக் கொள்ளலாம் என்கிறார் ஷாஜகான்.

இவரது பேச்சு இளைய தலைமுறையினரைக் கவர்ந்து வருகிறது. ஆனால் ஷாஜகானுக்கு இவர்களில் சிலராவதுஓட்டுப் போடுவார்களா என்பதை மே 13ம் தேதி தெரிந்து கொள்ளலாம்.