தலித் காலனிக்குள் நுழைய முயன்ற பா.ம.க. வேட்பாளருக்கு கல்வீச்சு

விழுப்புரம்:

விழுப்புரம் அருகே தலித் குடியிருப்பில் ஓட்டு சேகரிக்கச் சென்ற திண்டிவனம் பா.ம.க. வேட்பாளர் தன்ராஜ்மற்றும் பா.ம.கவினரை உள்ளே நுழைய விடாமல் தடுத்து கற்களை வீசித் தாக்கி விரட்டியடிக்கப்பட்டனர்.

திண்டிவனம் தொகுதி பா.ம.க. வேட்பாளரான தன்ராஜ், பா.ம.க. நிறுவனர் ராமதாஸின் நெருங்கிய உறவினர்.இவருக்கு தலித் மக்களிடையே கடும் எதிர்ப்பு நிலவுகிறது. சமீபத்தில் விழுப்புரம் அருகே ஒரு தலித் குடியிருப்புக்குஓட்டுக் கேட்கச் சென்றபோது கற்களால் அடித்து தன்ராஜை விரட்டியடித்தனர்.

இந் நிலையில் விழுப்புரம் அருகே மோட்சக்குளம் கிராமம் அருகே சிருவந்தாடு காலனி பகுதியில் தாழ்த்தப்பட்டமக்கள் வசிக்கிறார்கள். அங்கு தன்ராஜும், பா.ம.கவினரும் ஓட்டுக் கேட்கச் சென்றனர்.

ஆனால் அவர்களை குடியிருப்பு வாசலிலேயே 400க்கும் மேற்பட்ட தலித்கள் தடுத்து நிறுத்தினர். யாரும் உள்ளேவரக் கூடாது, மீறி வந்தால் நடப்பதே வேறு என்று கூறிய அவர்கள், கற்களை எடுத்து வீசத் தொடங்கினர்.

இதனால் வேறு வழியில்லாமல் தன்ராஜும், பா.ம.கவினரும் அங்கிருந்து கிளம்பினர்.