தமிழக திட்டங்களை தடுக்க மாட்டோம்: ரகுபதி

புதுக்கோட்டை:

தமிழக அரசு மேற்கொள்ளும் மக்கள் நலத் திட்டங்களைத் தடுக்க மத்திய அமைச்சர்களாக உள்ள 12 பேரும்முயற்சிக்க மாட்டோம் என்று திமுகவைச் சேர்ந்த மத்திய உள்துறை இணை அமைச்சர் ரகுபதி கூறியுள்ளார்.

புதுக்கோட்டை வந்த அவர் அங்கு செய்தியாளர்களிடம் பேசுகையில், தமிழக அரசு மேற்கொள்ளும் மக்கள் நலத்திட்டங்களுக்கு முடிந்தவரை ஆதரவாக இருப்போம். அந்தத் திட்டங்களைத் தடுக்க தமிழகத்தைச் சேர்ந்த மத்தியஅமைச்சர்கள் யாரும் முயற்சிக்க மாட்டோம்.

புதுக்கோட்டை தொகுதி வளர்ச்சித் திட்டங்கள் முடிவடைய அனைத்து முயற்சிகளையும் மேற்கொள்வேன்.அதேபோல, திருச்சி-மானாமதுரை அகல ரயில் பாதைத் திட்டம், புதுக்கோட்டை-தஞ்சாவூர் ரயில் பாதை திட்டம்ஆகியவற்றை நிறைவேற்ற தீவிர முயற்சி மேற்கொள்வேன் என்றார் அவர்.