அதிமுக தோழமை கட்சி மட்டுமே, கூட்டணி கட்சியில்லை: பாஜக

டெல்லி:

அதிமுகவுடன் தோழமை உறவு நீடிக்கும் என்று பாரதீய ஜனதா கட்சியின் செய்தித் தொடர்பாளர் முக்தர் அப்பாஸ்நக்வி தெரிவித்துள்ளார்.

மக்களவைத் தேர்தலையொட்டி அதிமுக, பாஜக கட்சிகளுக்கு இடையே கூட்டணி ஏற்பட்டது. தேர்தலில் இந்தக்கூட்டணி படுதோல்வியைச் சந்தித்த நிலையில், அகில இந்திய பாஜக தலைவர் வெங்கைய்யா நாயுடு சென்னையில்செய்தியாளர்களிடம் கூறுகையில்,

அதிமுக-பாஜக கூட்டணி தேர்தலுக்காக ஏற்பட்ட கூட்டணி. இப்போது தேர்தல் முடிந்து விட்டதால் கூட்டணிநீடிப்பதாகக் கருதவில்லை என்று கூறினார். இதே கருத்தை கட்சியின் அகில இந்தியச் செயலாளர் இல,கணேசனும்தெரிவித்தார்.

இந் நிலையில் பாஜக தலைமையிலான தேசிய ஜனநாயகக் கூட்டணியின் ஆலோசனைக் கூட்டம் டெல்லியில்நடைபெற்றது. கூட்டத்துக்கு அதிமுக அழைக்கப்படவில்லை. கூட்டத்துக்குப் பின் செய்தியாளர்களிடம் பேசியமுக்தர் அப்பாஸ் நக்வி கூறியதாவது:-

அதிமுகவுடன் ஏற்பட்ட கூட்டணி உறவு தேர்தலுக்காக மட்டும் தான். இருப்பினும் தோழமைக் கட்சி என்றவகையில் அதிமுகவுடன் உறவு நீடிக்கும். அதே நேரத்தில் தேசிய ஜனநாயகக் கூட்டணியில் இடம் பெறவில்லைஎன்றார்.