குளு குளு குற்றாலத்தில் அட்டகாச சீசன்

குற்றாலம்:

நெல்லை மாவட்டம் குற்றாலத்தில் பல ஆண்டுகளுக்குப் பிறகு இந்த ஆண்டு சீசன் அட்டகாசமாக இருக்கிறது. குற்றாலத்தில் உள்ள அனைத்து அருவிகளிலும் தண்ணீர் கொட்டுவதால் சுற்றுலாப் பயணிகள் சந்தோஷமடைந்துள்ளனர்.

மேற்குத் தொடர்ச்சி மலையில் நல்ல மழை பெய்து வருவதாலும், தென் மேற்குப் பருவ மழை சூடுபிடித்துள்ளதாலும், குற்றாலத்தில் உள்ள அனைத்து அருவிகளிலும் தண்ணீர் நன்றாகக் கொட்டுகிறது.

முக்கிய அருவியான மெயின் அருவியில் தண்ணீர் வெள்ளம் போல கொட்டி வருகிறது. பாதுகாப்பு வளைவைத்ை தாண்டி தண்ணீர் கொட்டுகிறது.

இதேபோல, ஐந்தருவி, செண்பகாதேவி உள்பட அனைத்து அருவிகளிலும் தண்ணீர் நன்றாக கொட்டுகிறது. கடந்த 10 ஆண்டுகளுக்கு முன்புதான் இதுபோல சீசன் நன்றாக இருந்ததாக குற்றாலவாசிகள் குதூகலத்துடன் கூறுகிறார்கள்.