தயாநிதி மாறன் 28ம் தேதி பாக். பயணம்

டெல்லி:

சார்க் தகவல் தொடர்புத் துறை அமைச்சர்கள் மாநாட்டில் கலந்து கொள்வதற்காக மத்திய தகவல் தொழில் நுட்பம் மற்றும்தொலைத் தொடர்பு துறை அமைச்சர் தயாநிதி மாறன் வரும் 28 ஆம் தேதி (திங்கள்கிழமை) பாகிஸ்தான் செல்கிறார்.

இந்திய அரசின் சார்பில் செல்லும் ஐந்து நபர் குழுவிற்கு மாறன் தலைமை ஏற்று செல்கிறார். 28ம் தேதி இஸ்லாமாபாத் செல்லும்அவர், 29 மற்றும் 30ம் தேதிகளில் நடைபெறும் மாநாட்டில் கலந்து கொள்கிறார்.

காங்கிரஸ் தலைமையிலான கூட்டணி அரசின் சார்பில் பாகிஸ்தான் செல்லும் முதல் மத்திய அமைச்சர் தயாநிதி மாறன் என்பதுகுறிப்பிடத்தக்கது. அடுத்த மாதம் மூன்றாவது வாரத்தில் இஸ்லாமாபாத்தில் நடைபெறவிருக்கும் சார்க் நாடுகளின் வெளியுறவுத்துறை அமைச்சர்கள் மாநாட்டில் கலந்து கொள்ள இந்திய வெளியுறவுத் துறை அமைச்சர் நட்வர் சிங் பாகிஸ்தான் செல்கிறார்.