அரசியல்வாதிகளை விமர்சிக்க விநியோகஸ்தர்கள் தடை

சென்னை:

அரசியல் தலைவர்களை நடிகர்கள் விமர்சிக்க வேண்டாம் என்று சினிமா விநியோகஸ்தர்கள் சங்கம் கூறியுள்ளது.

இது தொடர்பாக சென்னை காஞ்சீபுரம், திருவள்ளூர் மாவட்ட சினிமா விநியோகஸ்தர்கள் சங்க தலைவர்அருள்பதி, செயலாளர் கலைப்புலி ஜி.சேகரன் ஆகியோர் கூட்டாக வெளியிட்டுள்ள அறிக்கையில் கூறிஇருப்பதாவது:

திரைப்படத்துறையினரின் நலன் கருதி தனது கட்சித் தோழர்களுக்கு அமைதி காக்குமாறு கட்டளையிட்டிருக்கும்பாமக தலைவர் ஜி.கே.மணி அவர்களுக்கும், நிறுவனர் டாக்டர் ராமதாஸ் அவர்களுக்கும் எங்களது நன்றியினைதெரிவித்து கொள்வதோடு, நலிந்துவரும் சினிமா துறையை மேம்படுத்த தாங்கள் துணை நிற்குமாறு கேட்டுக்கொள்கிறோம்.

அரசியல் கலப்பில்லாத பொது மேடைகளில் நடிகர்கள் பேசும் போழுது அரசியல் கட்சியின் தலைவரையோ,அக்கட்சியையோ தவறாக விமர்ச்சிக்க வேண்டாம் என்று வேண்டுகோள் விடுக்கிறோம்.

அப்படியே அரசியல் கருத்துகளை விரும்பும் நடிகர்கள், அரசியலில் புகுந்து அதற்குண்டான வழிகளை அமைத்துகொள்ள வேண்டும். இல்லையென்றால் கோடிக்கணக்கான பணத்தை கொட்டி படமெடுக்கும்தயாரிப்பாளர்களுக்கும், அப்படத்தினை வாங்கிய விநியோகஸ்தர்களுக்கும்தான் வேதனை.

எங்கள் வேதனையை உணர்ந்து தொண்டர்களை அமைதிப்படுத்திய ராமதாஸ் அவர்களைத் தொடர்ந்துபாமகவினர், நடிகர்களின் ரசிகர்கள் ஆகியோர் கசப்பு உணர்வுகளை கைவிட்டு கரம் கோர்த்து திரைப்பட துறைக்குஉதவி செய்யுமாறு கேட்டுக் கொள்கிறோம் என்று கூறப்பட்டுள்ளது.