மடத்தின் விடுதிகள், ரகுவின் வீட்டில் அதிரடி சோதனை

காஞ்சிபுரம்:

காஞ்சிபுரத்தில் உள்ள விஜயேந்திரரின் தம்பி ரகுவின் இரு வீடுகள், சங்கர மடத்திற்குச் சொந்தமான 2 விடுதிகளில்போலீஸார் இன்று அதிரடி சோதனை நடத்தினர்.

காஞ்சிபுரம் சங்கர மடத்திற்குச் சொந்தமான யாத்ரீ நிவாஸ் என்ற பக்தர்கள் தங்கும் விடுதி காமாட்சி அம்மன்கோவிலுக்கு அருகே உள்ளது. இந்த விடுதியின் பின்புறம் மாணவியர் தங்கும் காமகோடி விடுதி உள்ளது.

இரு விடுதிகளும் ரகுவின் மேற்பார்வையில் தான் இயங்கி வருகின்றன. இன்று இந்த இரண்டு விடுதிகளிலும்போலீஸார் காலை முதல் அதிரடி சோதனையில் ஈடுபட்டனர்.

இந்த ரெய்டுகளைத் தொடர்ந்து இப் பகுதியில் பெருமளவில் போலீஸார் குவிக்கப்பட்டிருந்தனர்.

அதேபோல காமாட்சி அம்மன் கோவிலுக்கு அடுத்த தெருவில் ரகு சமீபத்தில் புதிதாக வாங்கிய 2 வீடுகளிலும் போலீஸார் சோதனைநடத்தினர்.

ரகுவுக்கு காஞ்சிபுரம் தவிர சென்னையிலும் வீடுகள் உள்ளன. மடத்தின் பணத்தில் விமானங்களில் பறப்பார், ஏசி கார்களில் வலம் வருவார்.பெண்கள் விடுதியின் நிர்வாகி என்ற முறையில் ரகுவுக்கு அங்கு தனி ஏசி ரூமும் உண்டு என்பது குறிப்பிடத்தக்கது.